Mos ma prek Valbonën”
– thirrje nga artistët
Dy Koncerte – në Tropojë dhe në Tiranë
me 29 dhe 30 tetor 2016 – Në mbrojtje të natyrës shqiptare
Eda Zari dhe Elina Duni
i kanë bërë thirrje gjithë artistëve
në Shqipëri dhe jashtë saj
t’i bashkohen protestës
kundër shkatërrimit të lumit Valbona
Dy këngtaret i kanë bërë thirrje të gjithve që të dalin me 29 tetor në Valbonë dhe, 30 tetor në Tiranë në kundërshtim të ndërtimit të HEC-eve në lumin e Valbonës, në kundërshtim të ligjit për importin e plehrave, në mbrojtje të Tokës, të Ujit, të Ajrit, të Jetës, ka shkruar Elina Duni në facebook.
“Kam vite që këndoj nëpër Evropë këngët e bjeshkëve, këngët e kodrinave, maleve, detit. Në folkun shqiptar natyra është personazhi kryesor. Në ç’do këngë ndihet fryma e saj.
Shpesh mbyll sytë dhe nga skena ku jam, paramendoj ato fusha, male, dallgë e re që kanë qënë ndoshta të parët dëgjues të këngës që unë po këndoj.
Dua të ëndërroj një Shqipëri ku patriotizmi është simbol i respektit së natyrës se mrekullueshme që kemi, ku ka një turizëm të ndërgjegjshëm, ku dashuria për vendin na bën më të mirë.
Dua të ëndërroj një Shqipëri ku liria nuk përfaqëson mosrespektin e pronës publike. Dua që të duam atë që na bashkon dhe sot të bashkohemi për të vetmen tokë qe kemi. – ka thënë Elina Duni