nga Ilir Seci
![Liverpool - me sy artisti (Ilir Seci)](https://www.radiandradi.com/wp-content/uploads/2017/07/20229669_10213776578632501_6797111362494188035_o-1024x620.jpg)
Liverpool asht qyteti që ka numrin ma të madh të muzeumeve dhe galerive të artit jashtë Londrës. Shumë muze dhe galeri arti gjinden në zonën “Albert Dock”, si “Muzeu Detar Merseyside”, “Muzeu Ndërkombëtar i Skllavërisë”, afër stacionit të Lime Street, në “St. George’s Quarter” asht “Shtëpia e Muzeut Botëror”, ku gjinden thesare nga tanë bota pjesë e gjetjeve te marinarëve anglezë nëpër botë. Galeria e Arteve ëalker në Liverpool asht Galeria Kombëtare e Veriut të Anglisë dhe ka mbrenda nji nga koleksionet ma të mira të artit europian, dhe renditet e dyta, mbas Galerisë së Londrës. Në kët qytet asht edhe Muzeu i Artit “Tate Liverpool”, shumë i njoftun që nuk ka nevojë për prezantim – ka organizue ekspozita të mëdha ndërkombëtare të artit modern, duke shfaqë punën e mjeshtrave nga Tracey Emin deri te Picasso. Në Liverpool ka galeri fotografike që stimulojnë fotografinë si një formë arti duke organizue ekspozita sfiduese dhe zbavitëse.