Të jesh i djathtë & të jesh i majtë
Si e bëjnë dallimin të huajt
-Kur një i djathtë nuk është gjahtar dhe nuk i pëlqen armët, ai nuk del për gjah dhe nuk blen armë;
-Kur një i majtë nuk është gjahtar dhe nuk pëlqen armët, kërkon që të ndalohet gjuetia dhe njëkohësisht edhe shitja e armëve.
-Kur një i djathtë është vegjetarian, nuk ha mish;
-Kur një i majtë është vegjetarian, organizon një fushatë kundër ushqimeve me mish dhe krijon një Ojf për të ndaluar ngrënien e mishit.
-Kur një i djathtë është homoseksual, bën jetë normale;
-Kur një i majtë është homoseksual, bën apologjinë e homoseksualitetit nëpër gazeta dhe TV, shkon në “gay pride” dhe akuzon për “homofobi” të gjithë ata që nuk mendojnë si ai.
-Kur një i djathtë e humb punën, i vihet kërkimit të një pune të re;
-Kur një i majtë e humb punën, shkon të qahet në sindikatë dhe merr pjesë në të gjitha manifestimet e mundshme kundra së djathtës.
-Kur një të djathti nuk i pëlqen një program televiziv, ndërron kanal ose fik televizorin;
-Kur një të majti nuk i pëlqen një kanal televiziv, ankohet nëpër portale dhe sidomos në Facebook, në TV-të e së majtës, si dhe propozon një peticion për të mbyllur kanalin televiziv që transmeton çfarë nuk i pëlqen atij.
.
-Kur një i djathtë është ateist, nuk shkon as në kishë dhe as në xhami;
-Kur një i majtë është ateist, përndjek të gjithë ata që besojnë në Zot, denoncon ata që mbajnë simbole fetare dhe kërkon që të ndalohen kremtet fetare në publik.
-Kur një i djathtë ka probleme ekonomike, kërkon mënyrën për të punuar më shumë, mundësisht për të bërë dhe një punë të dytë, dhe me sa mundet, kursen;
-Kur një i majtë ka probleme ekonomike, ua hedh fajin të djathtës, bizneseve private, sipërmarrësve, borgjezisë, kapitalizmit etj. etj., dhe orvatet të depërtojë në ndonjë parti – ku t’ia qëllojë – për të zgjidhur problemet e veta ekonomike.
-Kur një i djathtë e lexon këtë shkrim, qesh dhe ua dërgon miqve që të qeshin edhe ata;
-Kur një i majtë e lexon këtë shkrim, xhindoset, e quan fashist atë që e ka shkruar dhe ia ka dërguar, duke u rrekur sidomos të zbulojë “autorin fillestar”.
Për vete qesha… dhe e postova vetëm për “miq”
Marrë nga muri i fb i Aurel Plasarit, 7 shkurt 2018