![Pinterest](https://pinterest.com/pin/create/button/?url=https://www.radiandradi.com/instituti-kyrias-dhe-foleja-kombetare-nga-genci-hoti/&media=https://www.radiandradi.com/wp-content/uploads/2019/04/56819092_1246929855471448_7829716541565304832_n.jpg&description=Libri "Foleja Kombëtare" është botuar në vitin 1931 në shtypshkronjën “Gutenberg”, ka 110 faqe ku janë publikuar veprimtaritë me rastin e 40 vjetorit të Instituti Kyrias! Gjëra jo vetëm interesante, por dhe të paditura prej shume prej nesh.){kind=link}
Instituti Kyrias dhe “Foleja Kombëtare”
nga Genci Hoti
Në Bibliotekën e Dr. Av. Vasil K. Dilo gjeta një broshure, në pamje të parë pa shumë pretendime, por që me tërhoqi vëmendjen për titullin e saj: “Foleja Kombëtare”* (foto), botuar me rastin e 40 vjetorit të Institutit Kyrias (1891-1931) si një institut kombëtar shqiptar. Duke e lexuar ndesha në një fakt me të vërtet sensacional: Ky institut ishte formuar me 24 Maj 1891, nga zonja Sevasti Dako – Qiriazi, pikërisht atje ku sot ndodhet Instituti Bujqësor i Kamzës. Dikur në atë vend kishte qenë një shtëpi e vjetër (foto), dhe ku më vonë ishte ngritur instituti në fjalë (foto).
Pra rezulton se ky institucion arsimor të jetë më i vjetri në Shqipëri, edhe përpara Teknikumit Harri Fultz; dhe sivjet më 24 maj paska 128 vjetorin e themelimit.
Studentët e Institutit Bujqësor të Kamzës, sot mund të krenohen për vjetërsinë mbi një shekullore të shkollës së tyre, e cila na paska pasur një histori mjaft të pasur dhe produktive…
.
*Libri “Foleja Kombëtare” është botuar në vitin 1931 në shtypshkronjën “Gutenberg”, ka 110 faqe ku janë publikuar veprimtaritë me rastin e 40 vjetorit të Instituti Kyrias! Gjëra jo vetëm interesante, por dhe të paditura prej shume prej nesh. Jam kureshtar të di nëse ekziston ndërtesa e vjetër dhe a e dinë ish studentët dhe pedagogët e Institutit Bujqësor në Kamëz, gjenezën dhe lavdinë e shkollës së tyre?
.
