![Debati Meta & Gjinushi](https://www.radiandradi.com/wp-content/uploads/2019/07/gjinushiiiiiiiiiiiiii-770x433-649x365.jpg)
Përse Meta duhet të mos e dekretojë Gjinushin…
nga Adriatik Riza Dosti
Jo prishjes së Teatrit;
Jo Miratimit të Buxhetit të Shtetit,
Jo emërimit të Cakajt si Ministër i Jashtëm,
Jo zgjedhjeve te 30 qershorit…
dhe se fundi edhe një tjetër Jo e madhe miratimit të dekretimit të Skënder Gjinushit
në krye të Akademisë së Shkencave të Shqipërisë...
.
Të gjitha këto JO-të e ardhura përmes një Up & Down politik, disi të pazakonte të Presidentit Meta, kanë bërë jo pak bujë e zhurmë në politikën dhe jetën e trazuar të Shqipërisë se këtyre kohëve të fundit ku Demoni Rama me mbështetjen e disa llojeve e specieve krejt të rralla e të veçanta të quajtura çuditërisht ”ndërkombëtare” po rivendos sërish Diktaturën në vendin e vogël Ballkanik…
Meta ç’dekreton datën e zgjedhjeve moniste të 30 qershorit… sulmohet ashpër nga Rama dhe banda e tij parlamentare, e cila nxiton të kërkojë shkarkimin e tij si President dhe me yxhym të madh me Taon e Ulsiun në krye, ngre madje edhe një grup hetimor për këtë qëllim…
Meta ju përgjigjet me një Konferencë Shtypi përvëluese ku nuk le kënd pa fshikulluar, përmendur e ironiizuar e ku si kurrë më parë merret deri edhe me ndërhyrjet e të huajve e ndërkombëtareve në Shqipëri, me Sorosin, e padyshim gjerë e gjatë edhe me nipin e byroistit Spiro Koleka…
Rama i kthen reston me një fjalim tipik prej rrugaçi e gangsteri në Parlamentin e tij sharlatan mbushur me Lepuj e Spurdhjakë të neveritshëm…
Meta shkon në bregdet për relax e not… i fut një vizitë të paprecedentë për situatën politike të krijuar në Bosnje… Vendos madje edhe lule në varrin e Alija Izetbegovoiçit dhe përfundon në Venecia duke marrë çmimin ”Luani i Artë”… në mbrojtje e promovim të Demokracisë e vlerave të saj…
Dhe Ramës s’i mbetet tjeter vetëm se të bëjë publike një foto duke folur me një viç… e duke shijuar një drekë në një lokal të ”famshëm” sipas tij, aty në Surrelin e vilës bunker ndërtuar me paratë e Lindës…!!
Ok deri këtu… edhe pse këto lloj Up & Down-e mes një Presidenti e një Kryeministri nuk para janë kaq të zakonëshme e normale në politikën e asnjë lloj vendi tjetër të Europës, për njëmijë e një arsye…
I kthyer me Luanin e Artë në dorë, Meta i thotë një Jo të prerë kësaj rradhe miratimit të dekretimit të Gjinushit për në krye të Akademisë shqiptare të Shkencave, pasi më parë besniku i Partisë ishte zgjedhur që me 25 maj si kryetar i ri i saj…
.
Jo! – thotë Meta… sepse është shkelur Kushtetuta, është përdhosur Ligji, je zgjedhur duke qenë njëherësh edhe kryetar e PSD… etj, etj…
Gjinushi i kërkon takim, shpjegime dhe i jep sqarimet e tija. Hidhet në sulm e madje edhe e akuzon Metën se edhe ai u zgjodh në postin që mban duke qenë Kryetar i LSI… Mblidhet Këshilli i Pleqëve të Akademisë e i kërkon Metës ta rishohë vendimin e tij e ta ridekretojë Kenon si të parë të tyre…
Tani… me qetësi e llogjikë të pastër e të shëndoshë dhe pa mbajtur anën e askujt… unë personalisht bëj publikisht vetëm një pyetje: Perse duhet që Presidenti Meta ta dekretojë Skënder Gjinushin si Kryetar të Akademisë së Shkencave të Shqipërisë?!
Pse rrjedh nga një familje ultrakomuniste e ku lidhjet e tyre të forta me diktaturën kulmojnë me postet e larta shtetërore që kanë mbajtur ata familjarisht nisur që nga babai i tij, gjeneralin e njohur e të famshëm bolsheviko-komunist Et’hem Gjinushi?
Sepse vetë Kenua u rrit si fëmijë i lumtur e i përkëdhelur i kohës së komunizëm-diktaturës e shtëpinë e kishte vetëm 30 metra larg prej banesës ku jetonte vetë Diktatori!?
Sepse Kenua ishte ndër të paktet të rinj e studentë të asaj kohe që falë Partisë së tij u dërgua për studime në Sorbonë të Francës pasi do t’i duhej vendit e Partisë për dje, sot, nesër e pasnesër?
Sepse Skënder Gjinushi ishte e mbetet në historinë e zezë të Shqipërisë si i vetmi Ministër unikal Arsimi, ku si komunist i egër e antishqiptar i betuar nuk pranoi t’i hiqte Universitetit të Tiranës emrin e Diktatorit Enver Hoxha… duke i detyruar studentët e tij të futen deri edhe në grevën sublime të urisë?
Sepse në takimin e studentëve me Ramiz Alinë ishte po ky Gjinush që ju ngriti atyre kurthin tipik e të njohur të pabesisë komuniste teksa u shfaq përpara tyre në takim me Udhëheqësin e lartë të fundit komunist në Shqipëri, duke hyrë përmes një dere sekrete në zyrën ku zhvillohej takimi?
Sepse po ky Gjinush… me urdhër e porosi nga ”lart” ishte i pari që pas krijimit të PD do të krijonte edhe ai një parti paralele e një fraksion politik përçarës të quajtur PSD… të cilën e udhëhoqi e vazhdon ta udhëheqë po vetë me fanatizëm edhe sot e kësaj dite, kundër çdo lloj rryme demokratike në Shqipërinë komuniste të të parevë të tij…
Eshtë po ky Gjinush që për vite me radhë mbajti të zaptuar në mënyrë banditeske e jo të ligjëshme pronën legjitime të dikujt tjetër në Rrugën Fortuzi, të cilën e kish shndërruar në Seli të Partisë së tij politike shtojcë e PPSH apo edhe të PS… së Nanos e Ramës me shokë që e mbështetën dhe vazhdojnë ta mbështesin njësoj sikur dje…
Përse duhet ta dekretojë Meta-Gjinushin antishqiptar në krye të Akademisë… për organizimin e revoltës antishqiptare e antikombëtare të Jugut me seli në Vlorë me 1997, për krijimin e Komiteteve të ”Shpëtimit Kombëtar” ku shqiptarët e Gjinushit, të Cekës e Imamit me shokë hipur mbi tanke vrisnin e përgjaknin qytete e qytetarë shqiptarë të pafajshëm nën filmimin e kamerave serbo-greke?
Përse duhet ta emërojë e dekretojë në krye të shkencës shqiptare… apo për thirrjet antishqiptare që bënte me Zani Caushin në krah i mbuluar kokë e këmbë me kallashnikovë e mitrolozë në pritje të urdhërit për marshim në luftën vëllavrasëse drejt Tiranës… ku na qenkej strehuar ”maloku Sali” që ishte armiku më i madh i Shqipërisë e që nuk na i donte Jugun e se ishte edhe më i rrezikshëm se grekët e serbët?!
Përse ta dekretojë… për atë që duke qenë në krye të Parlamentit shqiptar u bë pasuesi besnik i diktatorit dhe armiku i hapur e publik i Opozitës së brishtë shqiptare e ku përmes qëndrimeve të tija të njohura arrogante e cinike u kthye në njerin prej njerëzve e figurave politike më të urryera të shqiptarëve?
Përse ta dekretojë… për atë që sapo u zgjodh nga ”Këshilli i pleqëve” tanë akademikë që një zot e di se çfarë shkence të dobishme prej dekadash me radhë kanë bërë në të mirë të vendit e popullit të tyre… po ky Gjinush i neveritshëm kokë e këmbë fyeu, ofendoi rëndë e denigroi publikisht një vajzë e kolege gazetare?
Hë pra, le të dalë dikush e le të më thotë qoftë edhe një arsye të vetme përse Presidenti i Shqipërisë Meta duhet vërtet ta dekretojë në krye të Akademisë Shqiptare të Shkencave një njeri, një emër e një figurë të tillë politike shqiptare kaq të errët e kaq të pisët në çdo drejtim, siç është ky farë ”profesori i matematikës” dhe akademik Skënder Gjinushi…!!
Së fundi… përpos të tjerave, do t’i sugjeroja Metës – President, nëse ka gjë në dorë të mos vonojë por ta çojë Gjinushin e sojin e tij bastard, atje ku e kanë vendin e ku e kanë patur në fakt prej kohësh: përpara drejtësisë e prapa hekurave, ose në të kundërt jo vetëm që nuk duhet ta dekretojë atë kurrë në atë post që kanë përkrahur e zgjedhur pleqtë tanë akademikë të kohës së Qepës… por në të kundërt… sërish nëse ke gjë në dorë zoti President… a nuk i fut një të shkrirë e një të suprimuar fare e komplet edhe vetë krejt Akademisë Shqiptare të Shkencave që ka dekada të tëra që vetem konsumon, vegjeton e merr para e buxhete kot fare nga shteti e paguhet krejtësisht e për asgjë nga taksat e paratë e shqiptarëve të varfër e me plot halle!?
.
Marrë nga muri i fb i Adriatik R. Dostit. 14 korrik 2019
.