Rin Zef Monajka (1953-1997)
Lindi me 11 Qershor 1953 nё Shkodёr
Me 13 Janar 1990, arrestohet me disa shokё shkodranё njё natё para demostratёs
pёr heqjen e bustit tё Stalinit qё kishte vite qё e shёmtonte Shkodrёn.
Torturohet deri nё dёmtime tё pakthyeshme tё kafkёs sё kokёs
nga oficerёt vrasёs tё ardhur nga Tirana me nё krye sigurimsin – Zylyftar Ramizi.
E dёnojnё 10 vite burg e dёrgojnё nё Burrel dhe Spaç.
Lirohet nё vitin 1991. Vdes nё Austri nё moshёn 44 vjeçare nё vitin 1997.
Sot, Rini dhe gjithё shokёt e tij tё Janarit tё 1990,
qё tronditёn çerdhen e krimit komunist, janё tё harruarit e kёsaj “Demokracie”!
I pёrjetshёm kujtimi i kёtij djaloshi antikomunist.
agustin miraka
.
Hetuesit e procesit të demonstratës kundër bustit të Stalinit
nga Kastriot Dervishi
Çështja penale ndaj demonstratës së 14 janarit 1990, filloi po atë ditë. U kalua në formën e njohur nga procesi agjenturialo-operativ në atë hetimor gjyqësor. Më 14.1.1990, kryetari i Hetuesisë së Rrethit të Shkodrës, Kosta Karanxha, pas denoncimit nga ana e DPB Shkodër (dy të datës 13 janar), vendosi caktimin e grupit të hetuesve: Gjergj Rudi (përgjegjës), Brahim Lahi, Qemal Dragoshi. Ata konstatonin se më 11 dhe 14 janar 1990 elementët “vagabondë” me predispozicion armiqësor kunder pushtet popullor” ishin organizuar me synim “dobësimin e minimin e pushtetit popullor komuniste ”. Arrestimet janë miratuar nga prokurori Ferhat Brati.
Në hetuesi merr pjesë edhe prokurori Ilir Dymylja.
Të pandehurit e çështjes së demonstratës, akuzoheshin se “duke e ditur se populli i Shkodrës, ashtu si mbarë populli shqiptar”, ishte “i lidhur në një unitet të pathyeshëm me partinë e shtetin socialist”, ishin hedhur në veprime të tilla. Përfundimisht,
Dedë Kasneci, Rini Monajka, Nikolin Margjini, Gjergj Livadhi, Flamur Elbasani, Kolec Hublina, Tonin Dema dhe Nikolin Thana, u akuzuan për “pjesëmarrje në një organizatë kundërrevolucionare për kryerjen e krimeve kundër shtetit, në bashkëpunim me njëri-tjetrin, kanë bërë agjitacion e propagandë, me qëllim për të dobësuar e minuar pushtetin popullor, vepra këto të parashikuara nga nenet 57 dhe 55 e 13 të Kodit Penal”.
Klaudiu Daka dhe Aldo Perizi u akuzuan se kishin konsumuar nenet 55 e 13 të Kodit Penal. Aktakuza që u dërgua në gjykatë, u përpilua nga hetuesi Gjergj Rudi. Të dhënat ishin të ndryshme, shpesh kontradiktore me njëra – tjetrën, por gjithsesi thelbi i ngjarjes qëndronte. Sipas aktakuzës ishin ndryshimet në Europën Lindore ato që kishin frymëzuar “elementët armiq te partis ” në veprimtarinë e tyre në Shkodrës. Më 30.3.1990 mbaroi hetimi i tyre në Shkodër. Në gjykatë u dërguan 10 të pandehur, si dhe 33 dëshmitarë kundër tyre.
Grupi i hetuesve:
.
1-Hetues Brahim Lahi:
Viktor Zef Verishta (Martini), Flamur Elbasani, Nikolin Margjini, Gjergj Livadhi, Tonin Dema, Nikolin Thana,
.
2-Hetues Qemal Dragoshi:
Rudolf Verishta (Martini), Rini Monajka, Dedë Kasneci, Flamur Elbasani, Nikolin Margjini, Gjergj Livadhi, Tonin Dema, Nikolin Thana, Kolec Hublina, Klaudio Daka, Aldo Perizi.
.
3-Hetues Gjergj Rudi:
Rini Monajka, Dedë Kasneci, Flamur Elbasani, Nikolin Margjini, Tonin Dema, Kolec Hublina, Klaudio Daka, Aldo Perizi.