Krenari amerikane
nga Sokol Neçaj
Në fillim të viteve ’60 kur De Gaulle vendosi të tërhiqej nga NATO, Kennedy, dërgoi Sekretarin e Shtetit, Dean Rusk, në Francë. Kur De Gaulle i tha se ai dëshironte të gjithë ushtrinë amerikane jashtë Francës sa më shpejt të jetë e mundur. Rusk u përgjigj: “A futen edhe ata që janë varrosur këtu?”
.
De Gaulle nuk u përgjigj. Ra heshtje varri!
***
Në një konferencë mjaft të madhe, në Angli, Kryepeshkopi i Canterbury e pyeti Colin Powell nëse planet amerikane për Irakun ishin vetëm një shembull i “ndërtimit të perandorisë” nga George Bush. Powell u përgjigj: “Prej vitesh, Amerika ka dërguar shumë prej burrave dhe grave të saj të mirë në rreziqe të mëdha për të luftuar për liri përtej kufijve te saj dhe të vetmen tokë që ka kërkuar ndonjëherë si shpërblim, ka qënë vetëm aq sa të mjaftonte për të varrosur ata që nuk ju kthyen me.”
.
Heshtje varri!
***
Ne një konferencë ndërkombëtare në Francë merrnin pjesë një numër inxhinierësh, përfshirë francezë dhe amerikanë. Gjatë një pushimi, një nga inxhinierët francezë u kthye në dhomë duke thënë: “A e keni dëgjuar budallëkun e fundit që ka bërë Bush? Ka dërguar një aeroplan transportues në Indonezi për të ndihmuar viktimat e cunamit! Çfarë synon të bëjë ai, t’i bombardojë ata?” Një inxhinier i Boeing u ngrit dhe u përgjigj i qetë: “Transportuesit tanë kanë tre spitale në bord që mund të trajtojnë disa qindra njerëz; ato janë me energji bërthamore dhe mund të furnizojnë me energji elektrike emergjente objektet e bregdetit; ata kanë tre kafeteri me kapacitete për të ushqyer 3.000 persona, tre vakte në ditë; ato mund të prodhojnë çdo ditë disa mijëra litra ujë të pijshëm nga uji i detit, dhe ata mbajnë gjysmë duzine helikopterësh për transportimin e viktimave dhe të dëmtuarve. Ne kemi njëmbëdhjetë anije të tilla. Sa ka Franca?”
.
Heshtje varri!
***
Në një konferencë detare ku merrnin pjesë admiralë nga SH.B.A., Anglia, Kanadaja, Australia dhe Franca në një pritje koktej të gjithë po bisedonin në anglisht. Admirali francez filloi te ankohej se ndërsa Europianët mësojnë shumë gjuhë dhe amerikanët vetëm anglisht, “pse duhet që ne gjithmonë të flasim anglisht në këto konferenca e jo frëngjisht”! Pa hezituar, admirali amerikan u përgjigj: “Ndoshta sepse prej Britanikëve, Kanadezëve, Australianëve dhe Amerikaneve juve sot nuk ju duhet të flisni gjermanisht”!
.
Askush nuk pipëtiu.
***
Robert Whiting, 83 vjeç, mbërriti në Paris. Në doganën franceze, iu desh disa minuta për të gjetur pasaportën e tij. “Ju keni qenë më parë në Francë, monsieur?” pyeti oficeri doganor me sarkazëm. Z. Whiting pranoi se kishte qenë më parë në Francë. “Atëherë duhet të dini qe duhet ta keni gati pasaportën.” Amerikani tha: “Herën e fundit që isha këtu, nuk më duhej ta tregoja.”
“E pamundur! Amerikanët gjithmonë duhet t’i tregojnë pasaportat e tyre kur hyjnë në Francë!”
I moshuari amerikan i dha një shikim të gjatë francezit. Pastaj vazhdoi me qetësi: “E po, kur erdha në bregdet, në Omaha Beach, në D-Day në 1944, për të ndihmuar çlirimin e këtij vendi, nuk mund të gjeje asnjë francez të vetëm për t’ia treguar pasaportën!”
.
Oficeri francez nuk foli asnjë fjalë.
.
.