![Pinterest](https://pinterest.com/pin/create/button/?url=https://www.radiandradi.com/grafiku-i-shperndarjes-se-investimeve-te-qeverise-rama-2013-2020-nga-romeo-gurakuqi/&media=https://www.radiandradi.com/wp-content/uploads/2020/08/117652705_10157661369738310_2464460290291111239_n.jpg&description=Mbasi krijoi 7 vite parabarazi të theksuara në trajtimin e krahinave të vendit dhe e zhyti Shkodrën dhe Veriun e Shqipërisë në varfni të plotë, këto ditë "Reformatori" nxori Ligjin për Zhvillimin Rajonal dhe Kohezionin Territorial,){kind=link}
Grafiku i shpërndarjes së investimeve të Qeverisë Rama (2013-2020)
nga Romeo Gurakuqi
Grafiku i shpërndarjes së investimeve të qeverisë së Edi Ramës në territorin e RSH, në vitet 2014, 2015, 2016, 2017, 2018, 2019, sipas të dhënave të financatvendore.al, të përpunuara nga zoti Bekim Mema
Bashkia Shkodër, pavarësisht se është më e madhja në vend nga pikëpamja territoriale dhe duhej të kishte një përpjestim krejt tjetër në alokimin e fondeve në mbështetje të zhvillimit të qëndrueshëm dhe në respekt të parimit të shpërndarjes së drejtë të investimeve, është e fundit në shkallë republike, përsa i përket kujdesit të qeverisë.
.
Qeveria prej 3 vitesh ka marrë përsipër investimin në rrugën e Velipojës. I kujtojmë “arkitektit” të diskriminimeve antikushtetuese, se sezonet turistike në anët tona po pengohen ndër të tjera edhe nga mospërfundimi në afat i punimeve në këtë aks jetik për qytetin dhe krahinën. Po ashtu duhet të kujtojmë, se investimi në Lagjen Shirokë është realizuar nga Fondi Shqiptar i Zhvillimit me fonde të EU, ndërsa Rruga Qafë Thore-Theth po realizohet nga fondet e Bankës Botërore, pra jo nga instrumentet shtetërore të zhvillimit rajonal.
.
Dhe mbasi krijoi 7 vite parabarazi të theksuara në trajtimin e krahinave të vendit dhe e zhyti Shkodrën dhe Veriun e Shqipërisë në varfni të plotë, këto ditë “Reformatori” nxori Ligjin për Zhvillimin Rajonal dhe Kohezionin Territorial, ligj ky me synime centralizuese dhe kontrolluese, që shkon përkundër autonomisë vendore të institucioneve të zgjedhura.
.
.