E respektoj këtë kërkesë të rinisë
nga Vehap Kola
U desh të kalonin 30 vite që të rinjtë e Shqipërisë të vihen edhe njëherë përballë një tufe të moshuarish që kërkojnë qetësi për ditët e fundit të jetës.
E respektoj këtë kërkesë biologjike të tyre.
Por, edhe më shumë do ta kisha respektuar nëse Robert Ndrenika, Spartak Ngjela apo Edi Rama do ta kishin kaluar këtë 30 vjeçar, duke u përpjekur për ta bërë Shqipërinë më të rehatshme për këta të rinj.
Për fat të keq, ata e përdorën këtë kohë për të përmbushur interesat personale.
Prandaj s’më intereson aspak ajo që thonë.
E kanë kullotur livadhin e tyre.
.
Për të tretën ditë vazhdoi në Tiranë dhe Durrës protesta të rinisë antiqeveritare
nga Tanush Kaso
Si në Tiranë edhe në Durrës parullat kryesore që hodhën demonstruesit, ishin:
-Rama ik
-Poshtë Diktatura
-Drejtësi për Klodianin
U përdor dhuna policore, gazi lotsjelleës dhe pompat e ujit për shpërndarjen e demonstruesve. U arrestuan një numër i madh i pjesëmarrësve në revoltë.
Por, është e qartë se dhuna policore nuk i zgjidh problemet social-politike, ekonomike dhe nuk e shuan dot urrejtjen e grumbulluar ndër vite nga qeverisja djallëzore e Edi Ramës.
Nuk shuhet me ujë pakënaqësia mbarëpopullore ndaj politikës postkomuniste në përgjithësi, gjatë këtyre 30 viteve.
Nëse e shtyp sot një protestë, në rastin më të parë do të këtë një tjetër, siç edhe ka ndodhur me studentët, me minatorët, me të pastrehët e Unazës, me artistët dhe popullin e Tiranës për mbrojtjen e Teatrit Kombëtar, etj..
E vetmja zgjidhje, si fillim, është: Rama ik!
.
.
Ndërkohë, mediat e “kazanit” nuk e pasqyruan këtë ngjarje, por vijuan programet e tyre për të larguar vëmendjen nga kjo ngjarje që rrezikon interesat dhe mirëqenien e “aristokracisë së re” ish-komunistë, ku bëjnë pjesë edhe pronarët e mediave kryesore dhe një numër gazetarësh të shitur e hipokritë.
Ndërsa tek TV Neës 24, ishte thirrur “mendjendrituri” Nazarko për t’u dhënë mend protestuesve, Ramës dhe popullit shqiptar!!
Ndër të tjera, ai tha: “Kjo protestë është pa kokë!”.
-Ky nuk ishte ndonjë zbulim që bëri Nazarko. E tillë ka qënë edhe ajo në Amerikë. Po ashtu ishte edhe ajo e Tiranës, kur u shemb shtatorja e diktatorit. Askush nuk mundi të merrte autorësinë e saj. Ishte urrejtja ndaj diktaturës komuniste, e grumbulluar gjatë 46 vjetëve, që e bëri atë mrekulli, në mënyrë spontane.
Edhe kjo e fundit është spontane, e vetorganizuar nga djalëria shqiptare, e ringjallur tanimë.
Megjithatë, Rama kërkon më kot, t’i verë “kokë” edhe këtyre protestave, duke ia faturuar presidentit Meta dhe PD-së!!
Gazetari Nazarko këshillon Ramën që “të dialogojë”. -Po me kë të dialogojë, kur nuk ka “kokë”?!
Pastaj, është provuar “dialogu” mashtrues i Ramës, që kthehet në “monolog”.
Ai i qan hallin edhe policisë, e cila, thotë se “është e stërlodhur!”
Na tregon edhe diçka që ai mendon se nuk e dinim: “Vendi s’ka opozitë institucionale!”
Përsëri e këshillon me dashamirësi Ramën, që të përdorë “një gjuhë propozuese”, që e përkthyer shqip do të thotë: mashtruese!
Faleminderit Nazarko, për gjuhën tënde prej gjarpëri të fshehur në kënetën e Ramës!
.