![Unioni i Gazetarëve Shqiptarë Profesionistë të Diasporës... [UGSHPD].](https://www.radiandradi.com/wp-content/uploads/2021/06/safe_image-1.php_.jpeg)
Udhë të mbarë Fjalës së Lirë…
nga Adriatik Riza Dosti
Themelohet Unioni i Gazetarëve Shqiptarë Profesionistë të Diasporës
[UGSHPD]
Me 6 qershor 2021, përmes një takimi në ZOOM të 12 antarët e këtij Unioni vendosën të bëjnë publik faktin e krijimit zyrtarisht të Unionit të gazetarëve shqiptarë profesionistë të Diaspores…
Për arësye të pa parashikuara thjesht teknike [difekt në lidhjen e Internetit] unë personalisht u privova nga të qenit pranë e në krah të kolegëve të mi në këtë ditë të veçantë… por kjo nuk do të thotë asgjë përpara qëllimit madhor të krijimit të kësaj shoqate mbarëshqiptare përmes zërit e penës të së cilës shqiptarët në mbarë botën do të munden edhe më shumë e më fort se deri tani të shohin, të dëgjojnë e lexojnë Zërin e së Vërtetës… zërin e Lirisë së fjalës të pa censuruar prej askujt e do të dijnë të çmojnë edhe më shumë Fjalën e lirë…
Shenida Bilalli dhe Lida & Skënder Buçpapaj janë inisiatorët për krijimin e këtij Unioni që ka në përbërjen e tij intelektualë të shquar, shqiptarë të mirë, të ndershëm e patriotë, por edhe botues, poetë, regjizorë, publicistë, shkrimtarë e gazetarë të zot, të pavarur prej askujt me plot kuptimin e fjalës e besnike të Lirisë e Demokracisë sikurse luftëtarë të sprovuar të Kombit e të popullit të tyre e pa cene e skuta të errëta të së djeshmes së tyre por edhe të papërlyer me pisllikun e sotëm të politikës së mbrapshtë antishqiptarë brenda e jashtë Shqipërie… nga një klasë politike krejtesisht e papërgjegjshme për fatet e atdheut e të popullit tonë.
.
Gjysmën e 12 antarëve të këtij Unioni i njoh prej vitesh e i kam patur ngahera miq e kolegë të mirë… ndërsa gjysmën tjetër të aktivitetin e tyre profesional e kam njohur përmes rrjeteve sociale dhe kam krijuar respektin e konsideratën e duhur kur bëhet fjalë për parime të tilla të ndershmërisë, patriotizmit, profesionalizmit, korrektesës, guximit e jo-kompromiseve me fatet e Lirisë e të demokracisë e mbi te gjitha në mbrojtje të Kombit e të popullit tënd… parime që për mua personalisht janë të shenjta e të panegociushme me askënd!
Këto ishin edhe arsyet kryesore që ftesën e tyre për të qënë pjesë-themeluese e këtij Unioni të nderuar e të respektuar e pranova me kënaqesi e pa asnjë lloj hezitimi… ndaj në 6 qershor i urova… udhë e punë të mbarë e na qoftë për hajër…
.
Shenida Bilalli (Kroaci)
Elida & Skëndër Buçpapaj (Zvicër)
Robert Papa (SHBA)
Adriatik Dosti (SHBA)
Rafaela Prifti (SHBA)
Ardian Murraj (SHBA)
Arben Kallamata (Kanada)
Taulant & Jeta Dedja (Kanada)
Alba Kepi (Itali)
Artan Kutra (France)…
.
janë 12 antarët e krijimit të UGSHPD…
Unioni i krijuar dy ditë më parë do të regjistrohet tashmë në Gjykatën Federale e Shtetërore të Zagrebit në Kroaci – ndërkohë që antarësia për ne nga të tjerë miq e kolegë që gjykojnë së janë vërtet në të njëjtën linjë qytetarie, atdhetarie e profesionalizmi me ne është e hapur e pa as më të voglin paragjykim ndërkohë që e ritheksoj se pavarësia prej gjithkujt mbetet e shenjtë ndërsa vartësia ndaj Lirisë e Demokracisë, Kombit e Popullit tënd është Detyrim e Obligim qytetar e profesional…
Integritet, dinjitet, personalitet, ndershmëri, profesionalizëm e atdhetari… respekt e guxim ndaj fjalës së lirë e lirisë së fjalës… demokraci e antikomunizëm… kjo është deviza jonë…
Unioni i krijuar tamam në kohën e duhur ka përpara goxha rrugë të gjatë e të vështirë për të bërë aq më shumë kur sot më shumë se kurrë pushtetmbajtësit neokomuniste të Tiranës po abuzojnë së tepërmi e me të gjitha format e mënyrat me Diasporën shqiptare duke krijuar përmes Ministrisë së tyre të Diasporës dhe ministrit shqiptaro-maqedonas Pandeli Majko lloj-lloj shoqatash enigmatike e anonime, gazetash, radio-tv, propogandë të pisët etj… thjeshtë për të përçarë Diasporën e për ta patur atë për vete…
Por mjaftojnë dy faktet e fundit… mbyllja e kufirit për shqiptarët që jetojnë jashtë Atdheut të tyre për të votuar në 25 prill… dhe Samiti falls i Diasporës iniciuar prej kryeministrit Rama që dështoi bujshëm e totalisht në Tiranë pak kohë më parë… për te kuptuar atë se në cilin krah e drejtim duhet të shkojë sot Diaspora e vërtetë shqiptare, e cila historikisht ka luajtur një rol të rëndësishëm në fatet e kombit e të popullit të vet e ka qënë kurdoherë antikomuniste.
Ndaj krijimi i Unionit të gazetarëve shqiptarë profesionistë të Diasporës është tashmë zyrtarisht një dritare me shumë për të gjithë shqiptarët e ndershëm e patriotë nga ku ata mund të shohin më qartë e më mirë realitetin e Atdheut të tyre…
Urime… e pune të mbarë… me këmbë të mbare e na priftë e mbara!
.
Marre nga muri i FB i Adriatik R. Dosti, 8 qershor 2021
.
.