Historia e medaljeve italiane në Olimpiadën e Tokyos 2021
40 Medalje (10 Ari – 10 argjendi – 20 bronzi)
Rekord Historik – 5 medalje ari ne Atletike
Olimpiada e Tokios 2020, e cila për shkak të pandemisë u zhvillua një vit më pas, prej 23 korrikut deri më 8 gusht 2021, nën vështrimin tim mbetet një nga olimpiadat më të bukura, dhe më të mirëorganizuara, simbas asaj që unë munda të ndjek. Kjo Olimpiadë do të mbetet historike, në veçanti për ekipin italian, i cili arriti të grumbullojë sasinë më të madhe të medaljeve në këtë pjesëmarrje plot 40 të tilla! (10 ari – 10 argjendi dhe 20 bronzi), rezultat kurrë i arritur më parë…
Ajo çka ra më së shumti në sy në këto Lojra Olimpike, ishte fakti se Italia, një vend që s’ka qenë fort i spikatur në atletikë, arriti të merrte 5 medalje ari në garat më të spektakolare, siç janë ato të 100 metërshit, stafetës 4X100 metra, kërcimit së larti dhe ecja sportive 20 kilometra për meshkuj dhe femra, të cilat ajo i fitoi në përiudhën finale të këtyre garave, duke u rreshtuar kështu në grupin e 10 vendeve më të mira të botës… dhe duke realizur një nga sukseset e saj më të mëdha jo vetëm në atletikë po edhe në historinë 125 vjeçare të Olimpiadave.
Si një i apasionuar i hershëm i Olimpiadave, e në mënyrë të veçantë i garave spektakolare dhe emocionuese siç janë ato të 100 dhe 400 metrave për meshkuj e femra, apo stafetave 4X100 apo 4X400, për meshkuj dhe femra, apo kërcimeve së larti, së gjati e trehapshit, mund të them se Olimpiada e Tokios edhe pse u zhvillua në një kohë të vështirë pandemie, do të mbesë si një prej Olimpiadave më spektakolare, dhe me ato shënimet e mia të përditshme, përgadita këtë faqe, të e konsideroj historike jo vetëm për Italinë, por edhe për mua… mbasi shpreh dyshimet e mia se me këto ndryshimet e shpejta që po pëson bota së cilës i përkasim, nuk jam fort i sigurtë se Olimpiadat e ardhshme do të kenë të njëjtën frymë që përcolli Olimpiada e Tokios 2020…
jozef radi, korrik – gusht 2021
Luigi Samele – Medalje bronxi – në Shpatë,
0-1-0 (1)
Ishte Luigi Samele, specialist në shpatë, medalisti i parë italian në Lojërat Olimpike Tokio 2020: 34-vjeçari fitoi argjendin pasi u mund në finale nga kampioni hungarez Aron Szilagyi (me rezultatin 15-7). Samele ishte protagonisti i një rikthimi historik në gjysmëfinale kur mundi koreanojugorin Kim 15-12 mbasi rezultatit fillestar 6-12. Në finale, megjithatë, kundërshtari hungarez u tregua shumë i fortë duke fituar Olimpiadën e tij të tretë radhazi. “Vendi i dytë është më i mirë se i treti, e për fat të keq ndjehem akoma i zemëruar,” tha Luigi Samele në fund të finales me shpatë. “Nëse ata do të më kishin thënë dje se do të kisha fituar medaljen e argjendtë, do ta kisha nënshkruar. Por unë jam i lumtur, edhe pse ende nuk po mund ta marr atë. Do t’i bëj një dhuratë të bukur vetes për ditëlindje!”
Vito Dell’Aquila – Medalje Ari – mundje deri 58 kg
1-1-0 (2)
Medalja e parë e artë italiane, është ajo e Vito Dell’Aquila, 20 vjeç nga Pulia që arriti të mundë tunizianin Mohamed Jendoubi për 16-12 në finalen e mundjes kategorisë deri 58 kg.
Dell’Aquila ishte në disaavantazh pothuajse për tre raundet e finales, por gjeti çastin e duhur dhe në sekondat e fundit e fitoi me rezultatin 16-12. Vito Dell’Aquila, pasi fitoi arin e parë të Italisë në Tokio 2020, lëshoi një apel: “Unë u vaksinova nga Covid për të ardhur në Tokio për të marrë një medalje olimpike. Unë me kënaqësi i bashkohem fushatës së nisur nga presidenti i Coni-t, Malagò, për të promovuar vaksinimin: është e drejtë që të gjithë duhet ta bëjnë atë ”. Pastaj atleti shtoi: “Ia kushtoj gjyshit tim: emri e të cilit kam edhe unë. Ai është larguar prej një muaji dhe sonte më shikonte nga atje lart. Ai gjithmonë thoshte “Do fitojë Vito, do fitojë Vito, ja do ta shihni!” Unë isha skeptik, përkundrazi ai kishte të drejtë “
.
Elisa Longo Borghini – Medalje Bronxi – çiklizëm për femra.
1-1-1 (3)
Në ditën e dytë olimpike në Tokio 2020, arrin medalja e tretë për Italinë: Elisa Longo Borghinimerr bronzin në provën e garës së çiklizmit për femra. “Garova me të gjithë ata që më duan në zemrat e tyre,” tha Elisa Longo Borghini menjëherë pas fitores, duke përsëritur bronzin që fitoi në Lojërat e Rio. “Do të vijë edhe Dita e fitores!”, bëri shaka sportistja e Kaltërt, i cila pranoi në RaiSport se pas garës se “vuajta shumë në qershor, gjatë Giro d’Italia”
.
Odette Giuffrida – Medalje Bronxi – Xhudo deri 52 kilogram.
1-1-2 (4)
Një tjetër bronz i fituar për Italinë nga Odette Giuffrida, vendi i tretë në xhudo deri 52 kilogram. Në finalen për të dalë në podium ajo mundi për hungarezen Pupp, pasi kishte humbur në gjysmëfinale kundër japonezit Abe Uta. “Isha në Tokio për arin, por ky bronz ka një peshë vërtet të rëndësishme për mua pas pesë vitesh të vështira, me kaq shumë ndryshime, lëndime dhe pengesa,” tha Giuffrida. “Eshtë një bronz që do ta bëj të artë! Në Paris do ta marr!”, tha e Kaltërta. Pastaj, lotët në fund të garës: “Një shperthim për pesë vitet e ferrit që kam kaluar”
.
Mirko Zanni – Medalje Bronxi – Ngritje peshash deri 67 kg
1-1-3 (5)
Medalja e tretë e ditës së dytë olimpike, e pesta e përgjithshme për ekspeditën italiane, vjen nga ngritja e peshave në kategorinë 67 kg falë Mirko Zannit, i aftë të ngrejë 322 kg, duke vendosur edhe rekord të ri kombëtar. “Kjo medalje bronzi peshon, peshon shumë, është një çmim për 10 vitet e dhimbjeve dhe sakrificave”, tha 24-vjeçari Mirko Zanni pas provës së tij në Tokio 2020
.
Nicolò Martinenghi – Medalje Bronzi- 100 metra stil bretkosë.
1-1-4 (6)
Në ditën e tretë olimpike, medalja e gjashtë blu fitohet nga notari Nicolò Martinenghi, bronzi në 100 metra stil bretkosë. Medaljen e artë e fitoi shumë i vlerësuari, anglezi Adam Peaty, medalja e argjendtë holandezi Arno Kamminga. “Eshtë një ujvarë emocionesh që kam ndryshur brenda vetes për një kohë të gjatë e cila sot më vuri përposhtë”, tha Martinenghi, në fund të garës.
.
Alessandro Miressi, Thomas Ceccon, Lorenzo Zazzeri & Manuel Frigo – Medalje Argjendi – Stafeta 4X100 Stil i lire
1-2-4 (7)
Medalja e shtatë italiane në Tokio mban erë historie. Notarët e stilit të lirë 4×100 (Alessandro Miressi, Thomas Ceccon, Lorenzo Zazzeri dhe Manuel Frigo) përfundojnë të dytët pas SHBA -ve dhe marrin argjendin. Për herë të parë në këtë specialitet Italia është në podium në Lojërat Olimpike!
.
Diana Bacosi – Medalje Argjendi – gara e Skeetit për gra.
1-3-4 (8)
Medalja e tetë nënshkruhet Diana Bacosi. 38-vjeçarja, e artë në Rio 2016, mori argjendin në garën e skeetit për gra në Tokio 2020, të fituar nga amerikania Amber English.
Daniele Garozzo fiton medaljen e nëntë për Italinë, argjend në fioreto individuale. Garuesi nga Catania, i lindur në 1992, i cili kishte qenë i artë në Rio në po të njëtën njëjtën kategori. I kaltërti arriti në gjysmëfinale duke mposhtur japonezin Takahiro Shikine 15 me 9, pastaj u mund 11-15 në finale nga Cheung Ka Long (Hong Kong). Gjatë ndeshjes, italiani u trajtua nga një fizioterapist në pushimin 5 ‘për një probleme në kofshë..
.
Maria Centracchio – Medaljen Bronxi – Xhudo deri në 63 kg.
1-4-5 (10)
Një tjetër medalje e Kaltërt, e dhjeta e Tokios 2020, vjen nga tatami. Për të fituar bronzin në xhudon e kategorisë 63 kg, ishte Maria Centracchio, e lindur në 1994, nga Molise. Italiania ngjitet në podium falë fitores në finale për vendin e tretë kundër holandezes Juul Franssen në rezultatin e artë. Podiumi për Centracchio vjen pas një viti 2020 që e gjeti atë së pari të sëmurej me mononukleozë dhe më pas edhe me Covid-19.
.
Rossella Fiamingo, Federica Isola, Alberta Santuccio & Mara Navarria – Medalje Bronxi – Skuadra e grave në shpatë.
1-4-6 (11)
Pas atyre të Samele dhe Garozzo, skerma e të Kaltërtve gjithashtu fiton medaljen e njëmbëdhjetë për Italinë në Tokio. Eshtë bronzi i skuadrës së grave në shpatë. Blutë përfundojnë të tretët, pasi humbën në gjysmëfinale nga Estonia dhe mposhtën Kinën në finalen 23-21 për bronzin. Ekipi i Kaltërt përbëhej nga Rossella Fiamingo, Federica Isola dhe Mara Navarria. E fundit nga tre ndeshjet e Fiamingos u luajt nga rezerva Alberta Santuccio.
.
Giorgia Bordignon – Medalje Argjendi – Peshëngritje, deri ne 64 kg për gra.
1-5-6 (12)
Giorgia Bordignon mori medalje të argjendtë në peshëngritje, kategorisë 64 kg për gra. E kaltërta ngriti 232 kilogram. Medalja e artë i shkoi kanadezes Maude Charron, bronzi peshëngritësit tajvanez ëen-Huei Chen
.
Federico Burdisso- Medalje Bronxi – Not 200 m stil flutur.
1-5-7 (13)
Federico Burdissoi dha Italisë një bronz në not,200 metra stil flutur. “Kam ndjerë shumë stres kohët e fundit: as nuk doja ta bëja këtë garë. Por tani jam shumë i lumtur,” tha ai. “Ende më duhet të bëj më shumë, ishte Olimpiadë pak e çuditshme, kam pasur probleme dhe vërej se çfarë po ndodh rreth meje. Vendi i dytë ishte brenda mundësive të mia, megjithatë jam i kënaqur me të tretin!”
.
Matteo Castaldo, Matteo Lodo, Marco Di Costanzo, & Giuseppe Vicino – Medalje Bronxi – kanotazh për 4.
1-5-8 (14)
Bronz për Italinë edhe gara në kanotazh për 4. Ekuipazhi i të Kaltërtve, i përbërë nga Matteo Castaldo, Matteo Lodo, Marco Di Costanzo dhe Giuseppe Vicino, mbërriti pas Australisë dhe Rumanisë. Pak para se të hynte në ujë, Italisë iu desh të zëvendësonte Bruno Rosetti, i cili rezultoi pozitiv në Covid, me Di Costanzon.
.
Luca Curatoli, Aldo Montano, Enrico Berrè & Luigi Samele – Medalje Argjendi – Shpatë për meshkuj në skuadër.
1-6-8 (15)
Më pas vjen një medalje argjende në provën me shpatë për meshkuj. Në finalen për medaljen e artë ishin të Kaltërtit: – Luca Curatoli, Aldo Montano, Enrico Berrè, me rezervën e Luigi Samele– të cilët u mundën nga Koreja, me rezultatin 45 me 26
.
Federica Cesarini & Valentina Rodini – Medalje Ari – Kanotazh në çift për pesha të lehta femra.
2-6-8 (16)
Më 29 korrik, sërish një medalje ari për Italinë në kanotazh dyshe për pesha të lehta të grave me Federica Cesarini dheValentina Rodinitë cilat e përfunduan garën e tyre përpara Francës dhe Holandës. “Ishte një emocion i jashtëzakonshëm: nuk kuptova asgjë për atë çka kishte ndodhur, por tani jam në paqe'”, tha Cesarini i cili me Valentina Rodini fitoi garën me fotofinish (vetëm 14 cent përpara Francës dhe 49 mbi Holland) “Ne e dinim që do të ishte shumë e vështirë deri në fund dhe Federica ishte shumë mirë në menaxhimin e garës,” tha Rodini. Dy të Kaltrat ia kushtuan suksesin familjes së Filippo Mondelli, canotazhiistit që vdiq më 29 prill në moshën 26 vjeç, për shkak të një tumori. “Dje shokët tanë të skuadrës në katërshe dështuan, sot ne e sollëm Pippon me vete në hapin e parë të podiumit – tha Cesarini “
.
Gregorio Paltrinieri – Medalje Argjendi – Not 800 stil i lirë.
2-7-8 (17)
Gregorio Paltrinieri fitoi medaljen e argjendtë në not 800 stil i lirë. “Të thuash se ajo që bëra sot është një mrekulli është pak”, tha Paltrinieri pas garës. “Unë mora një argjend me zemër. Pas mononukleozës kisha frikë nga gjithçka”, tha blu. “Isha një Zot, fitoja gjithçka, më duhej të ndalem për një muaj dhe ta filloj përsëri nga fundi. Një miku im shumë i dashur më shkruajti mbrëmë: këto finale bëhen me zemër, jo me kokë. Ndoqa këshillën e tij!”
.
Stefano Oppo & Pietro Willy Ruta – Medalje Bronzi – Kanotazh dyshe për meshkuj peshë e lehtë.
2-7-9 (18)
Një tjetër medalje bronzi mbërriti në provën e kanotazhit dyshe për meshkuj në peshë të lehtë. Ekuipazhi i përbërë nga Stefano Oppo dhe Pietro Willy Rutapërfunduan garën pas Irlandës dhe Gjermanisë
.Alice Volpi, Arianna Errigo, Martina Batini & Erica Cipressa – Medalje Bronzi – Ekip i femrave me fioretto.
2-7-10 (19)
.
Italia fitoi medaljen e bronztë në provën e ekipit të femrave me fioretto. Në finalen për vendin e tretë ata mundën Shtetet e Bashkuara 45 me 23. Në gjysmëfinale te Kaltertat – Alice Volpi, Arianna Errigo, Martina Batini(rezerva Erica Cipressa) – kishte humbur 45-43 nga Franca.
Lucilla Boari – Medalje Bronzi – Gjuajtje me hark
2-7-11 (20)
.
Medalja e parë historike për të Kaltërtat ishte harku për gra: bronzi i fituar nga Lucilla Boari, i mundur në gjysmëfinale nga rusja Osipova, por duke fituar në ndeshjen për vendin e tretë në podium me amerikanen McKenzie Brown
.
Simona Quadarella – Medalje Bronzi – Not, 800 stil i lirë.
2-7-12 (21)
Pas zhgënjimit të pësuar në 1.500, Simona Quadarella arriti të gjente energjitë fizike dhe mbi të gjitha mendore për të reaguar dhe pushtuar vendin e tretë në 800 stil i lirë.
.
Irma Testa – Medalje Bronzi – Boks peshë lehtë
2-7-13 (22)
Irma Testafitoi medaljen e bronztë në boks. E Kaltërta u mund nga filipinia Nesthy Patecio, e cila u paraqit si kampione e botës në fuqi. Për boksin e grave italiane kjo ishte një medalje historike
.
Mauro Nespoli – Medalje Argjendi – Gjuajtje me Hark
2-8-13 (23)
Argjendi i tetë italian arrin nga duart e Mauro Nespolit, i cili në gjuatjet me hark i nënshtrua vetëm Gazozit turk në fund të një finale të luftuar me vështirësi dhe në ekuilibër deri në shigjetën e fundit
Një tjetër bronz erdhi gjithashtu nga Antonino Pizzolato në peshëngritje. Në përpjekjen e fundit, i kaltërti kërkoi arin në 210 kg, duke dështuar por edhe duke marrë një medalje të madhe!
.
Thomas Ceccon, Nicolo Martinenghi, Federico Burdisso & Alessandro Miressi – Medalje Bronxi – stafetën 4×100- not stil i përzier për meshkuj.
2-8-15 (25)
Bronz gjithashtu edhe në stafetën 4×100 në not stil i përzier për meshkuj: Thomas Ceccon, Nicolo Martinenghi, Federico Burdisso dhe Alessandro Miressipërfunduan mbas SHBA (rekord ari dhe botëror) dhe Britanisë së Madhe.
.
Gianmarco Tamberi – Medalje Ari (ex aeqouo) – Kërcimin së Larti
3-8-15 (26)
Gianmarco Tamberi,me ex aequo (si të barabartë) me Katar Barshim, i jep Italisë arin e tretë në kërcimin së lartimë 1 gusht 2021. I Kaltërti dhe Barshim e përfunduan garën si të barabartë në 2.37 me të njëjtin numër të përgjithshëm gabimesh, dhe para gjyqtarit të ndeshjes ata zgjodhën merita të barabarta.
.
Marcell Jacobs – Medalje Ari – 100 metra
4-8-15 (27)
Gjithashtu më 1 gusht, Marcell Jacobsi dha Italisë një tjetër medalje ari historike, të katërtin kampit të të Kaltërve, në finalen e 100 metrave. Një rekord i ri italian dhe evropian me kohën ‘9 “80
.
Vanessa Ferrari – Medalje Bronzi – Gjimastike Tra ekuilibri
4-8-16 (28)
Më 2 gusht, gjimnastja Vanessa Ferrari fitoi medaljen e argjendtë në proven e trupit të lirë. Për të Kaltërtën, ishte pjesëmarrja e saj e katërt, dhe medalja e parë olimpike. Ari u fitua nga amerikanja Jade Carrey (14,366). Bronzi u lidh për Melnikovën ruse dhe Murakami japoneze.
.
Ruggero Tita & Caterina Banti – Medalje Ari – Vela ne çift
5-8-16 (29)
Më 3 gusht, arrin medalja e njëzet e nëntë, e cila lejon përmirësimin e fitoreve si në Rio dhe në Londër, ku podiumet ishin 28. Ishin Ruggero Tita dhe Caterina Bantiqë fitojnë medaljen e artë në klasën e përzier të lundrimit me vela Nacra 17. Për Italinë ishte medalja e pestë e artë në Lojërat Japoneze
.
Francesco Lamon, Simone Consonni, Jonathan Milan &Filippo Ganna – Medalje Ari – Skuadra e çiklizmit ne piste
6-8-16 (30)
Italia më pas merr medaljen e artë në pistën e çiklizmit provën me skuadra me Francesco Lamon, Simone Consonni, Jonathan Milan dhe Filippo Ganna. Danimarka u mund në finale, duke vendosur gjithashtu rekordin e ri botëror në 3’42”032.
.
Gregorio Paltrinieri – Medalje Bronzi – 10 kilometrat në ujë të hapur
6-8-17 (31)
Pas argjendit në stilin e lirë 800 në pishinë 29 korrikun e kaluar, më 5 gusht Gregorio Paltrinieri bën fitore të dytë të podiumit duke fituar një bronz në 10 kilometrat në ujë të hapurpër të mbyllur Lojërat Olimpike të Tokios. Notari përfundoi testin 51 “2 mbas fituesit. Eshtë hera e parë në historinë e Lojërave që një atlet i Kaltërt ka fituar dy medalje midis pishinës (argjendi) dhe ujit të hapur (bronzi).
“Më shumë se një herë kisha thënë se në Tokio doja tre ari: forma ka ndryshuar, koka ime nuk ka ndryshuar,” tha Gregorio Paltrinieri, pas bronzit që mbylli Olimpiadën e tij. “Do ta provoj përsëri në Paris? Sigurisht që e kam këtë ide – shtoi notari i Kaltert – Nëse do të ishte në dorën time, do të provoja përsëri javën tjetër. Dhe do të provoj përsëri derisa ta arrij “
.
Manfredi Rizza – Medalje Argendi – Canoa sprint,
6-10-17 (32)
I kaltërti Manfredi Rizza, në të njëjtën ditë, fitoi medaljen e argjendtë në kanoe sprint, në K1 200 metra. Përfundimi ishte i nevojshëm për tu parë në fotofinish për të vendosur rendin e mbërritjes: vetëm hungarezi Sandor Totka, që moto të aritën ishte me 45 mijtat sekondës, para tij
.
Massimo Stano – Medalje Ari – Ecje sportive 20 km meshkuj
7-10-17 (33)
Falë arit të Massimo Stanonë ecjen 20 km, Italia fitoi medaljen e 33 -të, duke tejkaluar kështu medaljet e Athinës 2004 (ku kishte 32 medalje me 10 ari, 11 argjendi dhe 11 bronzi, Kë është rezultati më i mirë që nga viti 2000).
.
Elia Viviani – Medalje Bronzi – çiklizm në pistë.
7-10-17 (34)
Elia Viviani, mbajtësja e flamurit italian në Tokio 2020, fitoi medaljen e bronztë në specialitetin omnium të çiklizmit në pistë.
Viviana Bottarofitoi medaljen e bronztë në karate, një specialitet kata E kaltërta fitoi finalen për vendin e tretë kundër amerikanes Sakura Kokumai. Eshtë medalja e parë olimpike për Italinë në këtë sport, e cila hyri në programin olimpik në Tokio 2020.
.
Antonella Palmisano – Medaglie ari – ecje sportive për femra në 20 km
8-10-18 (36)
Pas Massimo Stano, Italia fiton gjithashtu një medalje të artë në ecje sportive për femra në 20 km.Ka triumfuar Antonella Palmisano. Për herë të parë e kaltërta fiton të artën si në ecje sportive si për meshkuj edhe për femra në Olimpiada. Me arin e fituar nga atletja pulieze, Italia mbrrin në 36 medalje të përgjithshme dhe barazon rekordin e saj absolut, i cili ishte arritur në Los Angeles 1932 dhe në Romë 1960.
.
Luigi Busà – Medaglie ari – karate pesha 75 kilogram
9-10-18 (37)
Një tjetër medalje ari për Italinë nga Luigi Busà,në garën kumite të karatesë në peshën 75 kilogram. Në finalen për vendin e parë, i Kaltërti mundi azerbajxhanasin Rafael Aghayev. Për Italinë ky ishte ari i nëntë në Tokio 2020!
.
Lorenzo Patta – Marcell Jacobs – Eseosa Desalu – Filippo Tortu – Medaglie ari – Stafeta 4X100 m
10-10-18 (38)
Një tjetër medalje historike erdhi nga stafeta 4×100 ku Italia fiton medaljen e artë: Kuarteti i të Kaltërëve me – Lorenzo Patta – Marcell Jacobs – Eseosa Desalu – Filippo Tortu – e mbylli garën me një të qindtën e sekondës përpara Britanisë së Madhe me kohën 37.50, bronzi i takoi Kanadasë!
.
Abraham Conyedo – Medalje Bronxi – Mundje e lirë deri në 97 kg.
10-10-19 (39)
Italia i ngjit sërish në podium e medaljeve në kategorinë e mundjes së lirë për peshat deri në 97 kg. Abraham Conyedo fiton bronzin duke mposhtur turkun Suleyman Karadeniz 6-2.
.
Martina Centofanti, Agnese Duranti, Alessia Maurelli, Daniela Mogurean, Martina Santandrea – Medalje Bronzi – Gjmnastike Ritmike
10-10-20 (40)
Fluturat e Kalterta fituan medaljen e bronztë në ekip në Tokio 2020. Podiumi i tretë olimpik për Italinë. Martina Centofanti, Agnese Duranti, Alessia Maurelli, Daniela Mogurean, Martina Santandrea përfunduan me 87,700 pikë. Ari për Bullgarinë me 92,100 dhe argjendi për përfaqësuesen ruse me 90,400.
.
Medaljet e Italise – Tokyo 2020 – Simbas Krahinave Italiane…
Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.
To provide the best experiences, we use technologies like cookies to store and/or access device information. Consenting to these technologies will allow us to process data such as browsing behavior or unique IDs on this site. Not consenting or withdrawing consent, may adversely affect certain features and functions.
Functional
Always active
The technical storage or access is strictly necessary for the legitimate purpose of enabling the use of a specific service explicitly requested by the subscriber or user, or for the sole purpose of carrying out the transmission of a communication over an electronic communications network.
Preferences
The technical storage or access is necessary for the legitimate purpose of storing preferences that are not requested by the subscriber or user.
Statistics
The technical storage or access that is used exclusively for statistical purposes.The technical storage or access that is used exclusively for anonymous statistical purposes. Without a subpoena, voluntary compliance on the part of your Internet Service Provider, or additional records from a third party, information stored or retrieved for this purpose alone cannot usually be used to identify you.
Marketing
The technical storage or access is required to create user profiles to send advertising, or to track the user on a website or across several websites for similar marketing purposes.
![Pinterest](https://pinterest.com/pin/create/button/?url=https://www.radiandradi.com/historia-e-medaljeve-italiane-ne-olimpiaden-e-tokyos-2021/&media=https://www.radiandradi.com/wp-content/uploads/2021/08/Italia-Team-Tokyo2020-Foto-Mezzelani-GMT-2.jpg&description="Më shumë se një herë kisha thënë se në Tokio doja tre ari: forma ka ndryshuar, koka ime nuk ka ndryshuar," tha Paltrinieri, pas bronzit që mbylli Olimpiadën e tij. "Do ta provoj përsëri në Paris? Sigurisht që e kam këtë ide. Nëse do të ishte në dorën time, do të provoja përsëri javën tjetër.){kind=link}
