Ferri i Spaçit… si “kamp riedukimi”
nga Orkid Spahiu
Qenka financu një studim për ferrin e Spaçit… që bijtë e djallit e quajnë “kamp riedukimi”!!
Kurrë nuk u gjet asnjë dokument nga ky ferr, siç janë dokumentet e kartotekës, normat dhe oraret e punës skllavëruese në minierë, emrat e gardianëve dhe xhelatëve aty, por edhe të burgosurit nuk gjejnë dokumente për punën në minierë për të pasur pension minatori…!!
Duhet një kalvar nga ata që kanë mbetur gjallë, të marrin një vërtetim për kohën dhe vendin e dënimit, çfarë pune të papaguar kanë bërë…
Por… çdo dokument i mundshëm, si me magji të kuqe, u gjet për të bërë studim i financuar nga Ambasada Suedeze, mbi këtë burg famëkeq.
Kush i ka pasur këto dokumenta, ku janë dosjet e hetimit për ridënimet në burgjet politike, ku janë dosjet e “vijës së sjelljes” për të burgosurit, ku janë ditaret e administratës së burgjeve politike, ku janë proces-verbalet e protokollit vrasës të Revoltave të Spaçit dhe Qaf-Barit, kush ishin me personat që torturonin të burgosurit politikë???
Pse u lejuan këto burgje të shkatërroheshin, kush janë përgjegjësit, pse nuk flitet në curriculat shkollore për ato vende tmerri??
Ky vend do përjetojë gjithshka të mbrapshtë, deri kur mos të mbarojë tallja me persekutimin politik, të atyre heronjve që guxuan të kenë liri e dinjitet Njeriu!
Marrë nga Muri i FB Orkid Spahiu, 29 mars 2023