Vatranët e bashkuar… dhe nji Vatër e mbyllur!
Të nderuar Vatranë,
Shpresoj që ky mesazh të ju gjejë të gjithë në shëndet të mirë dhe me shpirt të fortë për të përballuar sfidat e kohëve të vështira. Dua të shpreh falenderimin tim më të sinqertë ndaj të gjithë atyre që i dolën për zot Vatrës, shtëpisë sonë të përbashkët dhe treguan guximin për ta folur të vërtetën.
Është e turpshme të shohësh policinë përballë Vatrës, është e dhimbshme të shohësh vatranë të vjetër si zotin Idriz Lamaj, zotinAgim Rexhaj apoAsllan Bushatin, zonjënNazo Veliu apo zonjënMarjana Bulku dhe gjithë vatranët e nën shiun e vjeshtës, përjashtë.
Elmi Berisha, dje e turpëroi shtëpinë e shqiptarëve duke e blinduar atë si një burg: nga jashtë më thirrjen e Policisë dhe nga brenda me grupe partizane…
Është e rrallë të shohësh aq shumë vatranë të bashkuar dhe të vendosur, të cilët nuk u trembën as nga presioni i lidershipit dhe as i policisë, por vendosën të mbrojnë të drejtën e tyre për të shprehur mendimet e tyre.
Ju jeni një shembull frymëzues për të gjithë ne dhe dëshmoni se fuqia e zërit të së vërtetës nuk ndalet.
Është në kohë të tilla të vështira, që ne duhet të ngrihemi së bashku, ta dëgjojmë njëri-tjetrin dhe të luftojmë për vlerat dhe të drejtat që besojmë se janë thelbësore për Vatrën.
Në emër tim personal dhe në emër të gjithë atyre që besojnë në lirinë dhe drejtësinë, ju falenderoj për kontributin tuaj të çmuar.
Me njerëz si ju, të përkushtuar e të vendosur, nuk ka asgjë që s’mund ta arrijmë.
Ju inkurajoj të vazhdoni të jeni zëri i të vërtetës. Së bashku, mund të ndërtojmë një shoqëri më të drejtë dhe më të lirë për të gjithë.
14 Tetori 2023, mbetet një ditë historike!
Me respekt të thellë,
Agustin Mirakaj