Një histori me gjuhtarët dhe gjuhën shqipe
nga Zyba Hysa
Para disa vitesh, te “Muzeu Historik”, këtu në Tiranë, u organizua një Sesion Shkencor për Gjuhën Shqipe…
Rastësisht, më njofton një profesor dhe shkoj për të dëgjuar. U befasova, mbasi të gjithë akademikët (nga të gjitha trojet shqiptare) dhe profesorët e gjuhësisë, referonin duke shpalosur “zbulimet e tyre shkencore” dhe në përfundim të referimit thoshin: “Gjuha shqipe po shkatërrohet!”
Pasi mbaruan referuesit, erdhi radha e atyre që do të përshëndesnin dhe e fundit e mora fjalën edhe unë: “Dua ta nis përshëndetjen time me një pyetje: Si ka mundësi që të gjithë u paraqitët si studiues të gjuhës shqipe dhe të gjithë e mbyllët referatin me frazën: “Gjuha shqipe po shkatërrohet!?”
A mos vallë jeni ju që e keni shkatërruar këtë gjuhë!?
Në sallë ra bomba, gjersa drejtuesi u ngrit dhe tha:
-Zonjë, thjesht një përshëndetje!
-Po zotëri, por s’ulem dot pa e thënë atë që mendoj…!
-Ju lutem… Mbaruam… Uluni ju lutem!
Por unë qëndrova.
(Dikush që ka qenë atë ditë dhe lexon këtë kët rrëfim, patjetër që do e kujtojë) Fola gjatë, por do të përmend pak:
“Gjuha shqipe u fut në sallën e operacionit antishqiptar komunist, në vitin 1972, ku i prenë krahun e djathtë të saj, Gegnishten, duke e lënë invalide përjetësisht! Tani ju, studiues, vazhdoni ta sakatoni edhe më shumë, duke nxjerrë rregulla të reja, të cilat hedhin poshtë të parat dhe më e tmerrshmja është, se unë kam dhënë gjuhën shqipe si mësuese dhe kur u thoja fëmijëve, që gjuha shqipe është 90 % me fjalë të huazuara, më dukej vetja majmun, ndaj sot u pyes ju: A ka ndonjë student, apo nxënës që keni mësuar ju që t’i ketë përvetësuar rregullat që hiqni e vini ju sa herë të doni dhe a s’mjaftojnë fjalët e gegnishtes për të plotësuar fjalët e gjuhës standarde shqipe, po e keni bastarduar, aq shumë, saqë të na vijë turp nga vetja!!
Kam lexuar dorëshkrimet e filozofit Isuf Luzaj dhe për çudinë time (ai dinte mbi tetë gjuhë të huaja), por nuk përdorte asnjë fjalë të huaj dhe ajo që më çudiste, ishte, se aq shumë e kishte përdorur gegnishten, saqë po të mos e dija që ishte vlonjat, do të mendoja, se ishte gegë…!
Edhe sot kur e kujtoj atë ditë, trishtohem!!
Marrë nga Muri i FB i Zyba Hysa, 6 mars 2024