Historia rreth së vërtetës së blerjes së godinës (Benan) të Vatrës
nga vatrani Ramiz Mujaj
Për herë të parë “Vatra” e pat blerë godinën apo (Benan) e vet, ashtu e quanin Vatranët e vjetër Shtëpinë e Vatrës, e cila u ble pas 84 viteve, në New York.
Godina e Vatrës u ble në vitin 1996, dhe celebrimi i blerjes “Benas” së Vatrës u bë nga një grup i kryesisë së Vatrës.
Kjo ishte blerja e parë e godinës së organizatës më të vjetër dhe më jetëgjatë në SH.B.A, mbas 84 viteve ekzistencë. Me parë Vatra nuk kishte pasur një godinë të vetën. Në Boston, aty ku edhe u krijua “Vatra”, ishte një kafe, ku mblidheshin vatranët, e që sot gjendet vetëm një pllakë që shënon se aty është mledhë “Vatra”. Ishte edhe restoranti i të famshmit, ish antar nderi Antoni Athanas, “Antoni Pier 4”.
Si dhe Kisha e Shën Gjergjit e krijuar me inisiativën e Fan Stilian Nolit. Pra, në vitin 1996, me inisiativën e ish kryetarit të Vatrës Ing: Agim Karagjozit, ju dha detyrë djalit të Agim Karagjozit, i cili ishte një biznesman i njohur në New York në atë kohë, i cili blinte edhe nga 50 shtëpi në një pazar nga shtëpitë e humbura nga pronarët, të cilat i konfiskonte banka.
Me një dialog mes vatranëve u ra dakort që nga Tri fondet e Vatrës që ekzistonin ndër vite të tubuar në Vatër nga vatranët që nga koha e vatranëve të vjetër.
1-Ishte fondi i studentëve që nga vitet 1920 dhe ai fond ishte përcaktuar që kurrë të mos prekej shuma themelore, por vetëm interesi vjetor për bursa studentësh. Megjithëse u bisedua mundësia që edhe ato mjete nëse gjendet formë që nga avokatura të përdoreshin, por pasi u shoshit në detaje u moën vesh që të gjithë nënshkruesit e atij fondi kishin vdekur, u la i paprekur. Kështu që ishin edhe dy fonde tjera. Fondi permanent që kishte 50 mijë $ dhe 2-fondi i ndërtesës që kishte 40 mijë $ dhe atë e kishte krijuar ish kryetari i Vatrës ing. Agim Karagjozi përmes fushatash ndër vite. Zyhdi Karagjozit iu tregua shuma e fondeve ekzistuese dhe në bazë të asaj shume ai e ofroj këtë godinë që sot është Selia e Vatrës dhe pagesa u bë 100 % me kash = 90 mijë $ pa kredi, në vitin 1996.
Në foto janë: I pari në të majtë Zef Balaj, në rend lart Agim Rexhaj, i cili për disa vite ishte nënkryetar i Vatrës; Lumo Cungu, Ing. Agim Karagjozi, ish kryetar i Vatrës; Zef Sheri, Ing. Hajdar Tonuzi, ish arkatar i Vatrës dhe shumë i saktë për shumë vite. Unë Ramiz Mujaj, anëtar i Këshillit të Vatrës për disa dekada dhe tani sekretar i këshillit të Përgjithshëm i Vatrës.
Ulur në të majtë shkrimtari, vëllau i vatranit shekullor Peter Priftit, ish sekretari i Vatrës ndër vite, Naum Prifti, mirditori Vatran i devotshëm për gjysëm shekulli, Zef Përndocaj, Musli Mulosmanaj, një vatran nga dera e Mulosmanëve nga Malësia e Tropojës (Gjakovës) dhe historiani e poeti si dhe ish kryeredaktori i gazetës “Dielli” për disa vite Anton Çefa.
Tani vatranë të gjallë që posedojnë kopjen e tapisë së Benas së vatrës janë Agim Rexhaj, Naum Prifti, Tonin Mirakaj dhe Ramiz Mujaj.
Marrë nga Muri i FB, Ramiz Mujaj, 13 mars 2024