Doli nga botimi studimi i Genci Hoti
Dante Alighieri, Laicizmi dhe Kisha Katolike!
Po Shqiptarët? Ndryshe: Si e përcollën Dante Alighierin në shqip Alfred Uçi dhe Ismail Kadare? Prej nga rrjedh dhe pyetja tjetër në vazhdim, ndoshta pyetja më kryesore në funksion të shoqërisë shqiptare pas 1945: Si dhe kush e formoi “Diktaturën komuniste në Shqipëri pas atij viti. Prej këtej rezulton se me lindjen e lëvizjes Laike në Europë (shek. XIV) filloi diktatura shtetërore deri në “diktaturën komuniste”, si forma më e lartë e Diktaturës në Racën Njerëzore. Trajtim filozofiko-historik me frymë kritike i një problemi madhor të manipuluar thellësisht nga politika europiane dhe shqiptare.
Literatura filozofiko-historike shqiptare ka një defekt: nuk u thotë shqiptarëve se çfarë të reje sjell vepra e çdo autori, gjë që nuk na mëson konkreten e tyre. Unë duke dashur të dal jashtë kësaj kornize jam i detyruar t’i tregoj lexuesit se çfarë të reje sjell ky studim.
Së pari, zbulon se vepra më kryesore e Karl Marksit, Kapitali, që në parathënien më të parë të botimit, 1867, fillon me një manipulim të vargjeve të Dante Alighierit (Purgatori, kënga e V, vargu 13), mbi çbazë ka filluar ateizmi spekulativ marksist.
Së dyti, nuk është e vërtetë që Dante Alighieri është krijuesi i gjuhës italiane. Kjo gjuhë është krijuar 500-600 vjet më përpara se kohëekzistenca e Dantes dhe ka si shkak invazionin frëng të Karlit të Madh.
Së treti, nuk është e vërtete që ndarja e Krishterimit në Katolikë dhe Ortodoks ka në themel konfliktin Lindje-Perëndim, por gjithçka i duhet dedikuar konfliktit midis Kishës së Avinjonit dhe Kishës Romane ku në fund triumfoi Kisha e Romës.
Së katërti, thelbi e Epokës Danteske është konsolidimi përfundimtar e Lëvizjes Laike, si produkti më karakteristik i Kishës Katolike në shekujt XIII-XIV, që konsistonte në ndarjen e Kishës nga Politika Shtetërore.
Së pesti, Thelbi Historik i Kishës Katolike në Romë është vetë thelbi i Institucioneve Fetare: krijimi i Civilizimit Botëror sipas Parimeve të Jezu Krishtit: Dashnia për vete dhe tjetrin!
Së gjashti, ka ardhur koha të ndryshohet perceptimit i Zotit, i Fesë dhe i Institucioneve Fetare sipas asaj që ka ndodhur në realitet dhe jo sipas dëshires së Politikës.
Genci Hoti, 7 shtator 2024
