Masakra britanike e Tiranës…
nga Adriatik R. Dosti
O popull,
mësoje historinë tënde siç realisht ka ndodhur
dhe jo siç ta servirin politika e politikanët e tu antishqiptare…
apo qoftë edhe “miqtë, aleatët e partnerët” e tu historikë e strategjikë… ok!
Mëso se cilët kanë qenë realisht e cilët janë miqtë e armiqtë e tu historikë.
Mjaft më i besove përrallat me Anglo-Amerikanë
e me aleatë e partnerë historikë, euro-atllantikë e strategjikë…
Ka ndodhur si sot… me 13 tetor 1943!
Plot 81 vjet më parë… në kryeqytetin e Shqipërisë, në Tiranë.
Bombardimi britanik mbi popullsinë e pafajshme e të pambrojtur tiranase…
Humbën jetën, u vranë e u regjistruan 137 viktima, kryesisht gra, fëmijë e pleq… dhe u plagosën përmbi 500 të tjerë…
Dhe kurrë as dje, as sot dhe asnjëherë në këto tetë dekada të kësaj historie makabre, britanikët nuk e njohën krimin e tyre, kurrë nuk e pranuan atë si të qëllimshëm, kurrë nuk kërkuan falje, kurrë nuk i shpërblyen familjet e viktimave te tyre.
Historia e ngjarja në fjale… Kasaphana Britanike e Tiranës u fsheh nga ata veçmas, por edhe nga të gjithë sidomos prej miqve, aleatëve e partnerëve tanë historikë e strategjikë (???)… të cilëve ti o populli im naiv, vazhdon ende t’u besosh kaq fort…
Masakra britanike mbi popullsinë civile e të pambrojtur të Tiranës u fsheh edhe prej komunistëve shqiptarë gjatë gjysëm shekulli që ata ishin në pushtet.
Sepse është fakt i pamohueshëm historik që komunistët shqiptarë dhe Enver Hoxhën i sollën por dhe i mbajtën në pushtet pikërisht Anglo-amerikanët.. .e jo pak edhe serbo-ruso-sllavët.
Ishin pikërisht këta lloj aleatësh që gjatë luftës së ashtuquajtur Nacional – çlirimtare, e cila realisht nisi si e tillë e më pas u shndërrua dhe përfundoi në luftë vëlla-vrasëse mes shqiptarësh, së bashku me sërbet e Titos ndihmuan me ç’mundën partizanët e komunistët e Hoxhës dhe luftuan deri në fund patriotët, nacionalistët, atdhetarët e antikomunistët shqiptarë…
Më pas ishin po këta farë miqsh, aleatësh e partnerësh tanë historikë e strategjikë (siç vdes t’i quajë të tillë veçmas Gramoz Ruçi, i cili dje i kish armiq të betuar këta imperialistë e revisionistë që i donin të keqen Shqipërisë socialiste) …që tërhoqën të parët, që në 1945-46 ambasadat, përfaqësitë e përfaqësuesit e tyre nga Tirana (SHBA e kish bërë një gjë të tillë që në 1939, kur sapo u pushtua Shqipëria nga Italia fashiste) duke ju lënë kësisoj dorë të lirë kriminelëve komunistë shqiptarë e duke e lënë fatin e shqiptarëve në dorë të bishës komuniste…
Ishin po këta lloj miqsh e aleatësh që i gënjyen, i tradhëtuan e i lanë duke pritur në breg të Detit patriotët e nacionalistët shqiptarë përpos premtimit për rikthim e që sëbashku të mos lejonin instalimin e regjimit komunist të Hoxhës në Tiranë.
Me pas vjen historia neveritëse me të ashuquajturit diversantë, ku falë edhe britanikut Kim Philby dhe lojës së ndyrë e antishqiptare veçmas të britanikëve shqiptarët humbën sa e sa bij nënash , patriotë, antikomuniste e nacionalistë të vërtetë…
Edhe sot e njëjta histori!
Pas Francës filoserbe e puro antishqiptare ju siguroj se britanikët janë po ata të djeshmit e masakrës dhe kasaphanës së Tiranës më 1943… Kurrë e asnjëherë nuk kanë qenë as dashamirës e as miq të Shqipërisë e të shqiptarëve përkundrazi… ndaj sa më parë ta kuptosh ti o popull këtë aq më mirë për ty…
Ngjarja ose kasaphana – masakra e Tiranës më 13 tetor 1943…
Në mesditen e 13 tetorit të vitit 1943, një skuadrilje avionesh luftarakë britanike bombarduan popullsinë civile e të pambrojtur të Tiranës, sidomos duke filluar nga lagja që sot quhet Tiranë e re… e duke vazhduar me Rrugën e Durrësit, te Kavajës e veçmas zonën përrreth Aerodromit të kryeqytetit shqiptar… pjesa e sotme e Unazës dhe vendi ku ndodhet ILKF…
U vranë e humbën jetën si pasojë e këtyre bombardimeve barbare 137 qytetarë të Tiranës, u plagosën përmbi 500 të tjerë ndërsa dëmet materiale ishin të pallogaritshme…
Tmerr i pafund!
Pasi Italia fashiste kapitulloi në shtator të 1943, në krye te Kom. Ekz. të përkohshëm të Tiranës erdhi patrioti e nacionalisti Ibrahim Biçaku (i cilësuar si tradhetër e koloboracionist prej komunistëve por edhe prej serbëve e aleatëve veçmas britanikëve), i cili nënshkroi një deklaratë e një marrëveshje me gjermanët të cilët tashmë kishin nën kontroll të tyne jo vetëm Tiranën por edhe një pjesë të madhe të territorit shqiptar…
Biçaku e bëri këtë për të shmangur luftën, vrasjet e shkatërrimin e Tiranës, humbjet e jetëve njerëzore si dhe per te penguar me aq sa mundej fitoren e partizanëve e të komunistëve filoserbë dhe ardhjen e tyre në pushtet…
Këta të fundit, serbët e Titos në krye të tyre por edhe aleatet Anglo-Amerikanë mbështetes të tyre e quajtën këtë veprim të Biçakut “tradhëti dhe bashkëpunim me armikun e pushtuesin…!”
Ndaj dhe për ta trembur atë, si dhe ata që ishin në këshillin drejtues të Tiranës e veçmas edhe popullin e kryeqytetit por edhe krejt shqiptarët në tërësi… për presion, shantazh, frikë, kërcënim e terror… e për t’u thënë atyre… nëse nuk bëheni më ne e nëse nuk jeni në krahun tonë e të atyre që mbështesim ne… kështu do ta pësoni, ndaj edhe britanikët e ndërmorën dhe kryen masakrën e tmerrshme të 13 tetorit të 1943!
Asokohe, në shtypin britanik u fol e u shkrua se pilotët e tyre që kryen këtë kasaphanë ishin të dehur, kishin humbur rrugën e kishin ngatërruar objektivat e bombardimit, se ishte mot i keq… e duke dashur të godisnin gjermanët pushtues kishin goditur “pa dashje” popullsinë e pafajshme e të pa mbrojtur civile… dhe vetëm kaq!!
Në dokumentat e kohës e sipas dëshmitarëve okularë të ngjarjes kriminale në fjalë, rezulton se atë ditë në Tiranë ka qenë një kohë e mirë dhe një ditë me diell… se avionët britanikë fluturuan fare ulet mbi kryeqytet ndaj kishin mundësi që t’i shihnin edhe me sy objektivat e tyre… dhe se pilotët e dinin fort mirë se çfarë po bënin.
Edhe sot e kësaj dite, britanikët kurrë nuk e kanë pranuar këtë krim të tyre të rëndë, këtë kasaphanë e masakër mbi kryeqytetin shqiptar dhe ndaj popullsisë civile… dhe kurrë s’kanë denjuar që minimumi të kërkojnë falje… pa leri të tjerat!
No comment…!
Marrë nga Muri i FB A. R. Dosti, 13 tetor 2024