Tonini Çobani – Doktor i shkencave letrare,
një ndër esperantistët e parë në rrethin e Lezhës
Shkrimin e parë kritiko-letrar Tonin Çobani, e ka botuar në gazetën “Drita” 1976, ndërsa 2 vjet më vonë fiton një nga çmimet vjetore të revistës “Nëntori” – për recension libri artistik.
Në vitin 1988 boton librin e parë “Kërkime letrare” me recensentë: prof. dr. Dhimitër Shuteriqi, prof. dr. Jup Kastrati dhe prof. dr. Razi Brahimi. Vetëm pas viteve ‘90 provoi të botonte tregime (Çmimi i Parë në takimin e dytë të shkrimtarëve ndërkufitarë, Pogradec 2004) dhe t’i kushtohej më intensivisht publicistikës, gjegjësisht eseistikës, (Çmimi “Velia 1999”) studimeve historiko-letrare dhe sociologjike. Ka marrë pjesë me kumtesa në disa veprimtari shkencore brenda dhe jashtë vendit.
Autor tekstesh për shkollat e larta dhe të mesme
-Eseistika, tekst për shkollat e larta (resume anglisht), Botimet Gjergj Fishta, Tiranë, 2013.
-“Gjuha shqipe dhe letërsia 11”, tekst për shkollat e mesme (me zgjedhje të detyruar), Albas, Tiranë, 2011, 2012, 2013, 2014, 2015, 2016, 2017.
-Leximi i komentuar i veprës letrare 2 (bashkautor: Tonin Çobani, Dhurata Shehri, Kastriot Gjika), tekst për shkollat e mesme, SHBLSH, Tiranë: 2000, 2001, 2003.
-Letërsia dhe gjuha shqipe 2 (bashkautorë: Enver Hysa, Gjovalin Shkurtaj, Idriz Metani, Tonin Çobani, Dhurata Shehri, Kastriot Gjika), SHBLSH e Re, Tiranë, 2004, 2005, 2006, 2007.
-Letërsia bashkëkohore shqiptare (bashkautorë: Ali Aliu, Shaban Sinani, Stefan Çapaliku, Tonin Çobani), tekst për shkollat e mesme ALB-ASS: Tiranë, 2001.
Të tjera
Gjergj Fishta – Vepra letrare – në 10 vëllime (bashkautorë Tonin Çobani – kryeredaktor, Ndue Zef Toma, Tefë Topalli, Stefan Çapaliku, Hamit Boriçi). EB Gjergj Fishta: Lezhë, (2001, 2011).
-“Lahuta e Malcis” e Gjergj Fishtës për shkollat e mesme, ALB-ASS: Tiranë, 2001 (ribotuar po këtë vit edhe në Tetovë).
-“Lahuta e Malcis” e Gjergj Fishtës për shkollat e mesme, Tiranë, Albas 2011 (ribotim i përmirësuar).
-“Lahuta e Malcis”, e Gjergj Fishtës, antologji për shkollat e mesme, Pakti: Tiranë, 2009, 2011.
-Lezha – guide book, anglisht (Editorial staff: Tonin Çobani, Moikom Zeqo, Farudin Hoxha, Ahmet Osja, Mahir Hoti, Zef Ymeri), Ecological Club: Lezha, 2002.
-Lezha – guidë, (bashkautor), Klubi ekologjik: Lezhë, 2002.
-Poezi nga “Mrizi i Zanave”, “Vallja e Parrizit”, “Anzat e Parnasit” të Gjergj Fishtës, pajisur me shënime dhe pasthënie, EB Lisitan, Lezhë 1994.
-Poezi të zgjedhura nga “Mrizi i Zanave”, “Vallja e Parrizit”, “Anzat e Parnasit” të Gjergj Fishtës, pajisur me shënime dhe pasthënie,SHBLSH e Re: Tiranë, 2004.
-Juda Makabe e Gjergj Fishtës, pajisur me shënime dhe pasthënie, EB Lisitan: Lezhë, 1995.
Juda Makabe dhe Jerina të Gjergj Fishtës, pajisur me shënime e pasthënie. EB Lisitan. Lezhë, 1995
Sot pata kënaqësinë të shkëmbeja mendime e kujtime me të, në shoqërinë e dr. Laurant Bicës.
Marrë nga Bardhyl Adem Selimi, 28 shtator 2024