Anatemat e viteve 1945-1983 kundra Gjergj Fishtës
nga Leka Ndoja
E. Hoxha: Ti {Tuk Jakova} i shtron çështjet si Mark Ndoja, që mbron edhe Fishtën. Patër Gjergj Fishta në poemat e tij mund të ketë vargje të bukura, po me pikëpamjet e tij ai është përfaqësues i klerit dhe i reaksionit në Shqipëri. (AQSH, AKQP, “Proces verbal i mbledhjes së Byrosë Politike të KQ të PPSH, mbi çështjen e shokut Tuk Jakova, i ftuar dhe Bedri Spahiu. Datë, 2 maj 1955.)
***
Armiqtë e popullit tonë kanë pas ngritur në sistem ndjenjën e shovinizmit e të nacionalizmit të kalbur borgjez dhe tradhëtarët e spiunët si Gjergj Fishta e të tjerë, tërë jetën, e tyre kanë punuar të na ndajnë e të na armiqësojnë me ata popuj, me të cilët ne ishim vëllezër dhe që në ditët e para të luftës sonë u bashkuam me gjithë forcat tona. (E. Hoxha, Vepra 4, 8 Nëntori, Tiranë 1970, f. 413-414)
***
Komunistat kanë tretë eshtnat e: “Mons. Jak Serreqit, Mons. Lazër Mjedës, Mons. Gaspër Thaçit, Mons. Ernest Cozzi-t, Mons. Bernardin Shllakut, Atë Gjergj Fishtës e së bashku me atë, pa dijtë gja, të Dedë Gjo’ Lulit, eshtnat e të cilit françeskanët i kishin ruejtë në vorret e tyne për t’i ba një monument.” (Imz. Zef Simoni, Persekutimi i kishës në Shqipni, Pakti, Tiranë 2014, f. 14 – AMPB, F. 1, D. 4739, Fl. 58, Akt Akuzë kundër Mark Ndojës si mbrojtës i veprës së Fishtës. dt. 24 dhjetor 1955. U dënua me 6 vite burg)
***
Fishta me satirat e tija nuk pin ujë përpara “Epopesë së Ballit Kombëtar”, të Shefqet Musarajt. (E. Hoxha, Vepra 6, 8 Nëntori, Tiranë 1971, f.190)
***
Të mos merremi me diskutime boshe për autorë reaksionarë si Fishta, Koliqi etj., por të vëmë në dukje vlerat e atyre që shkruajnë për popullin. (E. Hoxha, Vepra 6, 8 Nëntori, Tiranë 1971, f.191)
***
Fishta, i cili ka qenë shërbëtor i austriakëve, i italianëve dhe i Vatikanit dhe që më në fund vdiq akademik i Italisë fashiste. Fishta në veprat e tija nxit shovinizmin e popullit tonë në luftë kundër sllavëve. (E. Hoxha, Vepra 6, 8 Nëntori, Tiranë 1971, f.352)
Leka Ndoja (koment)
Kemi mbledhë Anatemat – kundër hartuesve të Alfabetit – për nji ekspozitë që hapet nesër në Manastir me 9 postere, pjesë të Dosjeve të Sigurimit, për Mit’hat Frashërin, Dr. Gjergj Dakon vra në spitalin e Burgut e motrat Qiriazi, familjet e Grigor Cilkës e të Sotir Pecit e tjetërsimin e vepres së At Gjergjit në monografitë e komumizmit.