“Arnautët e vegjël në shkollë”
nga Agim Morina, Londër
Fotografi e datës 17 dhjetor 1924, në gazeten serbe “Ilustrovani list”
(“Gazeta e ilustruar”, 11 janar 1925, nr. 2),
me fëmijët e shkollës së sapohapur të fshatit Mamushë dhe të fshatrave përreth.
Shkolla fillore në gjuhën serbe në fshatin Mamushë
E ëmbël është fotografia me arnautiqëve (serb. arnautthëve, arnautë të vegjël), me plisa të bardhë, në shkollë! Kjo është në fshatin Mamushë, në Podrimën tonë, ndër shkolla të shumta në vendbanimet arnaute. Shkolla u hap në vitin 1921, dhe kjo është shkolla e parë në gjuhën serbe në këtë vend, që po e ndjekin fëmijë arnautë.
Kuptohet vetvetiu që këtu mësimi zhvillohet në gjuhën serbe dhe se po shkohet drejt po atyre synimeve të njëjta drejt të cilave punohet në shkollat tona popullore: me u vendosë themelet për me kriju qytetarë të mirë të këtij vendi…
Afër nxënësve në fotografi duket mësuesi i tyre, zoti Stevan Spasići, i cili është në këtë shkollë që nga themelimi e deri në ditët e sotme dhe gëzon nderimin më të madh të banorëve të kësaj ane.
Kësaj here, zhvillimi me shkollë, ndoshta është i ngadalshëm – por kjo ngadalësi nuk do të thotë asgjë në jetën e gjithë popullit – por është e padyshimtë që është paqësim më i sigurt dhe më solid i popullit arnaut, dhe një dëshmi e mrekullueshme e linjës qytetëruese të popullit tonë.”
.
Sahat Kulla nga fshati Mamushë të Prizrenit: Teposhtëza historike për dikë nuk ka të ndalur… Sa duan ta bëjnë serb pa e pyetur ndërgjegjën e tij, sa e bëjnë turk herën tjetër. Prandaj, nuk është për t’u befasuar kur kushdoqoftë nuk e njef gjuhën e stërgjyshërve të tij, pasi nuk ka pasur mundësi të ishte vetja.
