, kështu që “zbuloi” dy grupe armiqësore deputetësh, të cilët i çmandatoi, i burgosi dhe i pushkatoi në vitet 1947 dhe 1948){kind=link}
Burgosja dhe pushkatimi i deputetëve
nga Gazmend Bakiu
Votimet me gogla të 2 dhjetorit 1945 u fituan nga Fronti Demokratik me 93 % (!) të votave. Mirëpo, brenda Frontit, pas të cilit maskohej Partia Komuniste (më 1948, ndërroi emrin në Partia e Punës) kishte deputetë që kishin mendime ndryshe, nuk pajtoheshin me çfarë po ndodhte në Shqipëri dhe që mund të përbënin opozitë.
Partia Komuniste megjithëse zotëronte të gjitha pushtetet nuk mund të duronte asnjë zë kundër (dhe jo më opozitë), kështu që “zbuloi” dy grupe armiqësore deputetësh, të cilët i çmandatoi, i burgosi dhe i pushkatoi në vitet 1947 dhe 1948.
Pasi mbaroi punë me ta, Enveri fliste vetë, dëgjonte vetë dhe zbulonte armiq të tjerë në radhët e partisë së tij, gjë që e kishte filluar qëkur Miladini themeloi Partinë e së Keqes.
Në vazhdim, në Kuvendin Popullor kishte vetëm duartrokitje dhe ovacione, por gjithsesi Hoxha Parlamentin e kishte bezdi, prandaj e mblidhte më rrallë se një herë në 6 muaj. Dhe kështu vazhdoi historia deri në vitin 1990. Mirëpo fundin politik (siç e dini) Enveri dhe sistemi i tij e patën të turpshëm, ndërsa dëmin për vendin shumë të madh.
Marrë nga Muri i FB Gazmend Bakiu, 19 dhjetor 2023