![Klodi Stralla & Hajro Cini](https://www.radiandradi.com/wp-content/uploads/2023/07/358152737_692288629400915_7963425096220201080_n-300x206.jpg)
Cilët janë miqtë tanë të vërtetë në Facebook?!
nga Klodi Stralla
Ajo që më ngacmoi ta bëj këtë status është fb-ku, që risolli sot një foto të para disa viteve me mikun tim Hajro Çini, dikur një mik virtual, por sot edhe një mik real me ‘R’ të madhe.
Nga përvoja ime, mbi 10 vjeçare e komunikimit me fb-uk, më kanë ndodhur dy dukuri ekstreme që ia vlen t’i komentojmë sepse me siguri u kanë ndodhur secilit prej jush:
Miq realë, të njohur prej meje, shumë vite më parë, befas janë shndërruar në armiqësorë deri në ndërprerje komunikimi, si dhe miq, fillimisht virtualë që, më pas, disa prej tyre u bënë edhe miq realë, falë njohjes fizike, të drejtpërdrejtë me ta.
Me të parët qejfmbetja ka qenë qesharake (me akuzonin pse nuk mbanja anën e tyre në debatet që ata bënin me miqtë e mi, në murin tim, kur debati degjeneronte deri në fyerje personale). Me të dytët na bashkonte vetëm kultura e debatit, argumentat që përdornim dhe sidomos toleranca dhe pranimi i mendimit ndryshe tek tjetri.
Ndonse, fillimisht, miqtë e parë ishin ata me të cilët kam pasur njohje të hershme, farefisnore, shkollore ose pune, me kalimin e kohës, kur unë fillova të shkruaj disa statuse modeste, ardhën duke u shtuar miqtë virtualë, pra ata me të cilët unë nuk kam pasur asnjë njohje të mëparshme. Fillimisht këta ishin nga Shqipëria, por shumë shpejt u shtuan edhe ata nga Kosova, Mali i Zi, Maqedonia e Veriut, por sidomos nga diaspora jonë në Greqi, Itali, SHBA dhe Kanada, me të cilët, pa u njohur realisht, shkëmbejmë mendime e pikpamje, shpesh të kundërta, por ajo që na ka bërë miq është vetëm kultura e debatit dhe sidomos mungesa e qejfmbetjes cinike, aq e shpeshtë tek miqtë e mi realë, aq sa tani kam filluar t’i bëj vetes pyetjen:
“Cilët janë miqtë tanë të vërtetë në Facebook?!”
Marrë nga Muri i FB, Klodi Stralla, 3 korrik 2023,