Dom Ndre Mjeda në Filatelinë Shqiptare
nga Hysen S. Dizdari
me rastin e 81 vjetorit të largimit nga jeta të Dom Ndre Mjedës
Dom Ndre Mjeda, lindi në Shkodër me 20 nëntor 1866, dhe u largue nga jeta, me 1 gusht 1937. Mjeda ishte teolog, shkrimtar, gjuhëtar, deputet shqiptar po edhe një nga poetët më të shquar të kombit shqiptar. Jakov Milaj në veprën e tij “Raca Shqiptare”, Ndre Mjedën e cilëson: “nji ndër letrarët ma të mëdhaj qi ka qitun Shqipnija”.
Prof. Dhimitër Shuteriqi, duke vlersuar Mjedën si poet thekson: “Cilësitë artistike të Mjedës janë të mëdha. Vargun e ka të përsosur, është mjeshtër i rrallë i strofës dhe i tingëllimës. Ai është shembull i një ndërgjegje artistike në historinë e letërsisë sonë…!”
Posta shqiptare i ka dhënë vendin e merituar teologut poetit dhe atdhetarit shquar: Dom Ndre Mjedes.
Emisioni i parë kushtuar Dom Ndre Mjedës, u emetua në nëndor të vitit 1966, dhe titullohet: “Ndre Mjeda”.
Ky emisioni përbëhet nga dy pulla me vlerë 0.25 lek dhe 1.75 lekë.
.
Emisioni i dytë kushtuar Dom Ndre Mjedës, u emetua me 17 Gusht 2016, dhe titullohet “Figura të shquara kombëtare”
Ky emision përbëhet nga tre pulla me vlera të ndryshme .
Pulla me vlerë 10 lekë i kushtohet dom Ndre Mjedës.
.
Ky emision u shtyp në 304.500 copë pulla postare dhe FDC në 250 copë.
Me rastin e 81 vjetorit të largimit nga jeta të dom Ndre Mjedës u kujtoj shqiptarëve një pjesë nga poema e tij:
Poema e famshme “Liria” është shkruar në vitin 1911, në pragun e shpalljes pavarsisë së Shqipërisë, por e pa dritën e botimit vetëm pak para vdekjes autorit në vitin 1937.
Tiranë më, 25.07.2018
.
LIRIA
– I –
O shqipe, o zogjt’e maleve, kallzoni:
A shndrit rreze lirie n’ato maja;
mbi bjeshk’ t’thepisuna e n’ograja,
ku del gurra e gjëmon përmallshëm kroni?
A keni ndie ndokund, kah fluturoni ndër shkrepa,
me ushtue kangën e saj?
A keni ndie nji kangë të patravajë?
O shqipe, o zogjt’ e maleve, kallzoni!
“Lirim, lirim!” – bërtet gjithkah malsia.
A ka lirim ky dhé që na shkel kamba,
a veç t’mjerin e mblon anemban’ robnia?
Flutro shqipe, flutro kah çelet lama,
sielliu maleve përreth që ka Shqipnia,
e vështroje ku i del lirimit ama.
……..
– VI –
Por nuk u shuejt edhe, jo, shqiptaria:
Lodhun prej hekrash që mizori e njiti,
lodhun prej terri ku robnimi e qiti,
shpreson me e zgjue fluturim mënia.
E kqyre: Ndër male po përhapet shkëndija
e lirimit t’Atdheut; fshehtas shëtiti
kasoll’ për kasoll’ rreth buneve e soditi
frymë të re tue zbrazun për gjithkah, hija
e Skanderbegut. Që ndër djepa rritin
nanat e Hotit djelmënin’ ushtore
e idhnim n’armikun nëpër gji iu qitin.
e nalt, ndër maja, bukuri mbretnore.
Ndre Mjeda – Poema “Liria” -shkruar në vitin 1911