![Pinterest](https://pinterest.com/pin/create/button/?url=https://www.radiandradi.com/erenestina-halili-fituese-e-ores-se-madhe-letrare-kronike-nga-tefik-selimi/&media=https://www.radiandradi.com/wp-content/uploads/2018/09/ernestina1-702x459.jpg&description="Jam edhe e suprizuar, sepse shikoj njerëz jo vetëm që jetojnë nga arti, se e duan artin, s’ka dyshim, por mbi të gjitha janë pjesë e një historie të gjatë të Kosovës, siç është shkolla e parë shqipe në Stubëll, që është një pjesë e një histori shpirtërore,){kind=link}
Erenestina Halili – Gjergji – fituese e Orës së Madhe Letrare
kronikë nga Tefik Selimi
(Viti – 22 Shtator, 2018) Në manifestimin kulturor të “Domi Mikelit”, në Stubëll të Vitisë, sot, para një mase mjaft të madhe të artdashësve të fjalës së shkruar, u dhanë çmimet për poezitë më të mira të Orës së Madhe Letrare.
Me këtë rast, në orën e Madhe Letrare, lexuan mbi 24 krijues. Pati krijues nga Tirana, Italia, Presheva, Kamenica, Prishtina, Vushtrria, Ferizaji, Gjilani, Vitia e mese të tjera shqiptare.
.
Kësaj here, fitues të këtij manifestimi të Orës së Madhe letrare, për poezi, është Erenestina Halili – Gjergji, poete nga Tirana, e cila është fituese e vendit të parë për poezi.
Ajo (Erenestina), tha se, në këto takime letrare është hera e parë që merr pjesë në këtë vend, Stubëll. “Jam edhe e suprizuar, sepse shikoj njerëz jo vetëm që jetojnë nga arti, se e duan artin, s’ka dyshim, por mbi të gjitha janë pjesë e një historie të gjatë të Kosovës, siç është shkolla e parë shqipe në Stubëll, që është një pjesë e një histori shpirtërore, ku përmes Dom Mikelit dhe një pjesë e një aktualiteti europian, përmes përmes njerëzve, konkurseve dhe aktiviteteve tjera të shkencës apo artit, njerëzit njihen dhe zhvillojnë identitetin e tyre. Unë jetoj e punoj në Universitetin e Tiranës. Poezia ime është një inmemorio kushtuar Dom Mikelit, që është engjulli ynë i shenjtë. Engjulli është nënë, babë, është mbi të gjitha, atdhe”.
.
Fituesit e vendeve të dyta e të treva janë: Sabit Rrustemi e Anton Guraqa (vendin e dytë), ndërsa vendet e treta i fituan kandidatët: Qibrije Demiri dhe Enfeleva Tafa nga Shqipëria. Në fund të këtij manifestimi kulturor, juria në fjalë i shpërbleu dy veprimtarë librash, Prend Buzhalën me mirënjohje dhe Mendi Menxhiqin, po ashtu me nga një mirënjohje.
Prend Buzhala tha se: “Jam i nderuar me këtë mirënjohje, sepse vepra ime përcjell mesazhe dhe referencë të fortë për paqen e për shkencën, në përgjithësi.
.
Marrë nga rajonipress/