Fabula e Rilindjes (jo kombëtare) të shekullit 21,  kundër Rilindjes Kombëtare të Shekullit 19 – nga Artur Shkurti

Fabula e Rilindjes (jo kombëtare) të shekullit 21, 
kundër Rilindjes Kombëtare të Shekullit 19
nga Artur Shkurti

1.Në kundërshtim me ndjesitë e majta sjellin eshtrat e Mithat Frashërit në Shqipëri. Por të majtët “nuk kishin parë gjë akoma” se sa bukur vepron “qeveria jonë”. 
2.Duke qenë se kishin ndërmend të bënin aksion antikombëtar në Korçë u duhej ta eksportonin “kombëtarizmin” jashtë kufijve të Shqipërisë. Kështu hyri Mit’hati, kryetar i Kongresit të Manastirit dhe doli Mësonjëtorja nga Korça. 
3.Në korrik, ligji 27/2018 “Mbi trashëgiminë kulturore” ia hoqi statusin Muze Kombëtar “Mësonjëtores së Korçës”. 
4.Në nëntor 2018 erdhën eshtrat e Mit’hat Frashërit. 
5.Në 2021, me VKM 146, Muzeu i Korçës heq emrin “Mësonjëtore e parë shqipe”. Në detyrat që  kish caktuar VKM – ja nuk përmendej fare “Mësonjëtorja e parë shqipe” e Korçës. 
6.Ndërkohë në Manastir, pusinë e kanë zënë protestantët dhe maqedonasit që kanë bërë gati përthithjen e “kombëtarizmit shqiptar” duke i shkaktuar skoliozë historisë së Shqipërisë me përthithjen e historisë së Qirjazëve. 
7.Ndërkohë simbolikisht u prish dy herë varri i Mit’hat Frashërit. Kështu u kënaqën edhe nostalgjikët e majtë që nuk kishin parë gjë akoma. 
8.I gjithë aksioni çmontues dhe eksportues jashtë kufijve të Rilindjes Kombëtare bëhet duke shpalluar 22 nëntorin 1908 (Kongresi i Manastirit) Festë Kombëtare. Nuk është lajm i gëzuar, por është një punë e mbaruar e çkombëtarizimit të Korçës, dhe e heqjes së mundësisë që 7 marsi 1887 të bëhej Festë Zyrtare. E gjithë dashuria e popullit për Rilindjen Kombëtare është e përqëndruar në 7 mars 1887 dhe kjo mori goditje të rëndë me të gjitha veprimet e mësipërme. 
9.I njëjti (këshilltar i kryeministrit) që “u kujdes” për ardhjen e eshtrave filloi sulmin ndaj Vëllezërve Frashëri dhe tjetërsimin e historisë së Frashërit dhe frashëllinjve. Nuk ka asnjë paradoks.

Related Images: