Pas 34 vitesh, për herë të parë “Hienat e Lidërshipit” në Vatër,
ma ndalën postimin e Gazetës Dielli…
Vatrani Veteran Ramiz Mujaj
Shkrimin e Vatranit Veteran, Ramiz Mujaj po e ilustrojmë me një foto arkiviit – dëshmi e qartë e përbërjes së Vatrës – lart në foto nga e majta janë: Zef Perdocaj, Dalip Greca, Jonuz Ndreu, Agim Rexha, Zef Bala, Ramiz Mujaj, Marjan Cubi, Besim Malota, Idriz Lama – ulur në tavolinë: Gjon Buçaj, Akademiku Mark Krasniqi, Ing. Agim Karagjozi, Musli Mulosmani – tash Vatra asht zëvendësue nga “shakllabana” sikur do t’i quante poeti kombëtar Gjergj Fishta.
***
Për 34 vite, gjithmonë kam paguar me kohë anëtarësinë e Vatrës dhe gazetës “Dielli” dhe gjatë 34 viteve kam dhënë shumë kontribute financiare si dhe aktivitete të panumurta, me shkrime në gazetë, dhurata në pikturë për Vatrën dhe Diellin. E kam dërguar gazetën në shtypshkronjë dhe e kam shpërndarë në komunitet për më shumë se dhjetë vite.
Tash klika banditeske agjenturore e këtij “lidërshipi” vetëm pse nuk mendoj si ata dhe nuk iu nënshtrohem, u munduan të më hakmerren.
Por unë kam Zotin me vete, shpirtin e çiltër dhe Vatranët me të cilët kam punuar me dekada dhe më vlerësojnë e i vlerësoj.
Unë jam dhe do të jem Vatran i vërtetë, por kurrësesi nuk e vlerësoj këtë lidërship të shpifur sepse me ta nuk gjej dhe nuk ndjehem funksional i vyer në Vatër.
Shiheni, shfletoni gazetën e dhjetorit 2023, jam ende sekretar i Këshillit të Vatrës, ndërsa në fund të muajit shkurt, në gazetën e muajit janar, që sapo ka dalë, emrin tim e eleminojnë nga gazeta Dielli dhe vendosin një njeri tjetër që mund të jetë vetëm servil i klikës së “Lidërshipit” Ylli Doskun.
Unë e gjeta, miqtë e mi Vatranë ma sollën gazetën e fundit, sepse tash mua më kanë eleminuar edhe nga abonimi edhe postimi i gazetës për herë të parë mbas 34 viteve.
Është për të qeshur e për të qarë me lot për gazetën “Dielli” se në çfarë shkalle ka ra.
Gazeta Dielli, numri i janarit duhej të dilte në publik në janar por nuk duel.
Doli kur doli, por filloi të shpërndahej në fund të shkurtit me ndryshime strukturash nga mafia “Lidërship” të cilët eleminuan edhe emrin tim.
Por faqja e parë e Gazetës Dielli thotë “Janar 2024”, ndërsa faqet e tjera thonë gazeta Dielli “Janar 2023”. Këtu lidërshipi “thotë se vetëm faqja e parë e Gazetës i takon 2024-ës dhe të gjitha faqet e tjera janë një vit pas, Janar 2023.
Edhe kjo mbrapshti do të mbetet në historinë e praptë të këtij “Lidërshipi” pa mandat.
Shiqojini të gjitha fotot me vemendje dhe do të vërtetoni se këta e kanë humbur çdo arsye.
Marrë nga Voal, 2 mars 2024
