Kombi i madh nuk shuhet kurrë!
“Lahuta e Malcis” – në frëngjisht Abedin Krasniqi
23 tetor 2019, ishte një ditë shumë e veçantë jo vetëm për mue po, për të gjithë Ata që veten e thërrasin shqiptarë të vërtetë, pra Shqiptarë të kombit të Kastriotit…
Një mik nga Brukseli, i nderuemi z. Lek Pervizi, më shkruen për një mrekulli të këtij shekulli të bekuem, që edhe mbasi e lexova s’u besojshe syve të mij…
Ai më shkruen:
“Po të jap një lajm të mirë, se ka Shqiptarë që ia ndërtojnë shtëpinë e At Gjergj Fishtës.
Me 26 Shtator në Paris asht botue “Lahuta e Malcisë”, në frëngjisht, përkthye nga një djalë i ri, 33 vjeçar, Abedin Krasniqi, një vëllim 640 faqe! E gjithë Lahuta e Malcisë!
Ky djalë me nanë franceze, lindë e shkollue në Francë, në Paris, mbrrijti në dy vjet punë intensive të na japë At Fishtën frëngjisht, Vepra e dytë e randsishme, mbas asaj të të ndjerit Robert Elsie, në anglisht.
Këto dy përkthime janë shumë të randsishme…
Bravo i qoftë këtij djali me shpirt atdhetar që ne patëm knaqësinë ta njohim, mbasi ai na erdhi në një aktivitet letrar, ku patëm rastin të njihemi me Librin e Tij.
Besoj se ky njoftim do të knaqi, me të mira,
Lek Pervizi,
Bruksel, 23 Tetor 2019
.
Abedin Krasniqi, asht shqiptar i madh sepse ka ringjallë “Lahutën e Malsisë”, tue na dhurue atë, kur po bahet gati një shekull që At Fishta gjuhej n’gur…
Abedin Krasniqi, vepra juaj asht e pavdekshme!
Rrnofsh e kjofsh aq sa “Lahuta” e maleve tona!
Melbourne, 24 Tetor 2019
Fritz Radovani