 i ngriti Anton Çettës. Është nderim i madh e i lavdërueshëm që i është bërë të dijshmit, të urtit e të veçantit...){kind=link}
Kompleti i Veprës së Profesor Anton Çettës
nga Instituti Albanologjik i Prishtinës
Kjo është shtatorja që Instituti Albanologjik i Prishtinës (IAP) i ngriti Anton Çettës.
Është nderim i madh e i lavdërueshëm që i është bërë të dijshmit, të urtit e të veçantit, që ishte punonjës shkencor i IAP-it, koleg i denjë pune, mik shpirti e profesor i shumë punonjësve shkencorë të IAP, si dhe vlerë e epërme profesionale e humane e institutit tonë.
Botimi i kompletit shënon një ngjarje të madhe e të rëndësishme kulturore në Kosovë dhe dëshmon që Instituti Albanologjik i Prishtinës vazhdon të mbetet qendra kryesore e studimeve albanologjike në vendin tonë.
Për botimin e këtij kompleti duhet falënderuar dhe përgëzuar Degën e Folklorit në Institutin Albanologjik të Prishtinës, përgjegjësen profesionale të këtij botimi, Dr. Leontina Gega-Musa, udhëheqësen e kësaj dege, Dr. Arbnora Dushi, si dhe kolegët e tjerë në degën e lartcekur, të cilët dhanë kontribut të çmueshëm e të vlerësueshëm profesionalisht.
.
Marrë nga muri i Fb i Adil Ollurit, me 3 nëntor 2020