Kthehuni o njerëz nga njeriu dhe vlerat e tij
nga Kazanova Aliaj
(nga cikli “Fund javë me Kazanovën”)
Lazër Radi mbetet nji model i veçantë me tregues dimensional. Kjo asht tragjikia e këtij vendi, që vazhdon mos t’i pranojë vlerat, mbasi prioriteti i monstrave të kuq, asht pushteti. Në kët botë, ku me vonesë asht shkëputë nji pjesë e qytetarëve shqiptarë, (për fatin e mirë të tyne dhe për fatin e keq të kombit, që sa vjen e mpaket), ato e prekin diferencën që dramatizon jetën e individit dhe pengon formimin e shtetit ligjor, e që kanë nji përparsore vlerat njerzore. Qytetarët me përballjen e nji realiteti ku vlerat janë prioritet i shtetit, atje ku kanë shku, bajnë diferencën se po të ishin në Shqipni akoma askush s’do i përfillte, dhe kuptohet pse, po të jeshë pjesë partiake do ta shesësh veten tek partia për nji vend pune, dhe ai ose ajo, do ta humbiste vlerën e vet se interesi automatikisht do e largonte dhe do ishte nji vlerë më pak.
N’sa kjo asht e vërtetë e prekshme dhe e dukshme, po të lexosh herë mbas here këtu në auditorin tashma të Radi&Radi, e shef diferecën e nji mënyre të kulturueme komunikimi me pjesën tjetër. Në të gjitha shkrimet që kalojnë në portalin e tyne, që tashma asht nji auditor me plot gojën, lexuesi gjen dhe prek diferencën e shkrimeve, krijimeve të nji niveli të lartë, përplot me informacione publicistike. Krijimet dhe librat e botuem, që kanë formë dhe përmbajtje e ku ndjehet në informacione saktësia e dëshmive, të cilat qëndrojnë mbi bazën e së vërtetës.
Aty gjen përkthime apo libra të ndryshëm me përmbajtje e me nivel të naltë artistik dhe social, që të bajnë me mendue…
Pse pikrisht ky model asht ndëshku dhe vazhdon kështu?
Pikërisht për kto vlera që përcjell e pikrisht kjo mbetet nji dëshmi e fortë, se diktatura godiste e vriste vlerat njerzore, me paligjshmërinë e sajë tue pasë prioritet dhunën dhe ndëshkimin e pa merituem të atynë që i përfaqësojnë vlerat.
Ky realitet asht tejet i papranushëm…
Dhe vetvetiu këta pseudodemokratë, këta skifterë kriptodemokratë, këta drunj të shtrëmbtë të kësaj partie të krimit, që tash burgosin njëni-tjetrin, ky grumbull plehnash, që luejnë me pushtetin e varfënojnë përditë jetën e shqiptarëve, nji herë e burgosin e i marrin gjithçka dhe pastaj i përjashtojnë nga gjithë detyrimi ligjor e njerzor për t’i damshpërblye në formën ma të naltë e kur ky individ me kaq vlera u konsiderur si person i veçantë me treguesit e tij të nji niveli që përfaqësonte veten, vendin dhe origjinën e tij, këta heshtin, sepse demokraci s’ka dhe s’kishte si të ndodhte ndryshe, sepse në formë e përfaqësonin nji “parti demokratike”… Jo aspak, ajo ishte dhe asht mashtrim se në përmbajte kishte vetëm kompromise që ndëshkonte shumicën e favorizonte fallsot dhe anarshistët që të fitonin e ja ku jena sot.
Po të ndëshkuemit pa faj kush i damshpërbleu?
Ishin pjellat e djajve që me falsitetin e tyne nuk mund ta fusnin kët ligj human ndër ligjet e tyne diabolike.
A kishte dhe a ka Akademi që t’i dhurojnë nji status të veçantë për ndëshkimet e tyne të pameritueme? I ofrune gjithçka që konvertonte humbjen e kohës e të shëndetit dhe jetës në geton bunker të tijën e të familjes!?
Jo… Jo!
Pavarësisht se ai ka familjen e tij që e kishte prioritet, po shteti ku asht, kush shtet pse mashtrojnë këlyshët e djajve të kuq..?!
Kjo që shkruej un asht nji realitet i dhimbshëm! Familjarët nuk pritën shtetin, se ishin familje me potencial, i kryen të tana detyrimet ndaj njeriut të tyne të dashun e me vlera, po ju o maska, që e përfaqsoni kët shtet të përçudnuem, harroni se vlerat e individëve të veçantë edhe jetën e tyne duhet ta keni prioritet, në programet tueja falso e të pështira.
Ju e dëshmoni me mashtrimin tuej se jeni pjellë besnike e djajve të kuq, monstra që e zaptuet Shqipninë e që mashtroni sa herë hapni gojën e flisni… ku i keni damshpërblimet…?!?
Jo! Monstrat nuk damshpërblejnë, se po ta kryejnë kët proces njerëzor, përligjin inkriminimin e baballarëve të tyne, ato janë si mordja, marrin e s’ japin, ata vetëm mundet të shkatrrojnë në çdo orë të ditës e të natës.
Këto janë realitetet tragjike, ndërkohë që diferencat me trajtimin njerzor përtej gardhit tuej të bunkerizuem, kanë të tjerë tregues, atje ku shqiptarët e vërtetë jetojnë mbasi ikën nga ky ferr, nga Shqipnia Bunker, e rimorën veten e asfiksuar nga mosnjohja dhe zbatimi i ligjeve të atij shteti fallco, të atij pushteti banditësh, që terrorizonte dhe tmerronte qytetarin, derisa e detyronte të ikte nga sytë kambët… atje ku njeriu asht prioritet, asht plus vlerash, asht i mbrojtun e i fuqizuem prej shtetit për vlerat që përfaqëson… asht nji aset njerzor… O shtazë…!
Kurrë nuk shkrova për djajt e kuq e kurrë s’do ta them apo të mendoj se kishin diçka të mirë… Jo, absolutisht jo! Nji shtet që vret dhe ndëshkon vlerat e kulturës, ai e ka vra jetën e tjetrit… kët mund ta quesh vetëm asgja e jo shtet, dhe ja rezultati… braktisja si fatalitet social..!
A mund të bahet nji krahasim fare i thjeshtë, sot pikërisht sot, kush asht ai akademist që projekti i tij të ketë favorizue qoftë edhe nji qytetar ose të ketë pas avantash shkencor ndokush prej atynë që e kanë pësue në breza ndëshkimin… Askush! Kanë mbushë xhepat vetëm ata që kanë lëpi sahanët e pushtetarëve, e që për fat të keq kanë humb edhe personalitetin e tyne…
E ndërsa lexon në Auditorin e Radëve e ndjen dhe e prek të vërtetën…, e nëse ndalesh e reflekton sado pak te ky auditor kupton, ku dinjiteti njerzor asht prioritet, thua: Nuk do ketë nji Shqipni dinjitoze në arenën ndërkombëtare pa qytetarë me dinjitet dhe parametra qytetare…
Kët duhet ta fusin në mendje qytetarët, sa herë të ndalen e të fuqizohen nga e vërteta dhe vlerat e auditorit LazërRadi&Son.
Kështu shkruhet e vërteta… vetëm kështu… e jo të hiperbolizojnë figurat e djajve të kuq! Kthehuni o njerëz nga njeriu dhe vlerat e tij e jo nga puthadorët e pushteteve të djeshën a të sotëm që po ju vrasin për ditë nga pak…!
7 tetor 2023