Kur instinkti prevalon mbi arsyen…
rreth problemeve në Vatër
nga Muhamet Omari
Para disa ditësh, sharlatanët uzurpues që vetëshpallen si Kryesi e Vatrës, të dalë mbas një procesi ilegjitim zgjedhjesh (të filmuar me zë dhe figurë) na paskan marrë vendim t’më përjashtojnë nga Vatra pas një aktiviteti 25 vjeçar!!
Një kryesi ilegjitime s’mund të prodhojë vendime legjitime. Ajo që më ngacmon n’keqardhje është përdorimi i gazetës Dielli, me gjuhën e përdorur të tipit komunist mugoshian, të fillimviteve ‘45.
Nuk çuditem, mbasi pjesa më e madhe e personave, kanë prejardhje gjeneze nga ai kontigjent kafshëror social-komunist. Tek ky sorollop social, instinkti gjithmonë prevalon dhe ka pushtet mbi arsyen! Te këta maniakë të instinkteteve i mbizotnon skërmitja e dhëmbëve. “Sundimin” e vetvehtes e kanë gjithmonë me një përfitim ose kapje peng, fenomen që egziston tek shumë antarë të vetshpallur të Kryesisë. Këto i di tepër mirë Lidershipi i “fshehur” (i padukshëm) që e komandon kët turmë në Vatër. Ai e di mirë: Mua s’më fshihet dot! Loja nën petkun e “mikut” s’është funksionale. Lidershipi i “fshehtë”, duke praktikuar artin e maskimit, gjen strehë vetëm tek diletantët shumëkëmbësh të kryesisë ilegjitime të vetshpallur. Lidership “i fshehtë”, qëllimet e “fshehta” i ke të lexuara! Si është puna e “rekomandimit” për t’u zgjedhë në Boston ai Prifti!? Kush ta serviri si alternativë? Si i dhe urdhër Helmisë? Ju s’keni “faj”, jeni n’procesin e zbatimit t’urdhrave për prishjen me çdo kusht të Vatrës. Për patriotët shqiptarë, shkatrrimi i Vatrës është Orë shqetësimesh Kombëtare.
Sot Vatra është zone shumë e infektuar. Shenjat e para të infektimit të dukshëm ishin para 5 vitesh. Djalli e ka lugën të gjatë (thuhet n’Shkodër). Ato koka të zbrasta e të turbullta, që përpiqen të fshihen pas ngërdheshjeve dhe marrëzive të shfrenuara me mediokritetin e thellë që i zotnon do t’i thellojnë pasojat. Dora e ndyrë që ka prekë çdo gjë në Vatër duhet të këputet. S’është humbje kohe të luftojmë par ta shpëtuar Vatrën. Dy miq të ngushtë më rekomanduan që mos të reagoj ndaj tyre, duke ju referuar maksimës së artë të Cyrus Cing i cili thotë: “Shumë kohë më parë kam mësu të mos zihem me derrat! Ju baheni pis dhe përveç kësaj, derrave ju pëlqen një gjë e tillë!”