Misioni u kry! Dështoi qytetaria, morali e profesionalizmi
nga Alba Kepi
Vota në Kukës nuk qe një garë politike e as elektorale.
Vota në Kukës qe një zgjedhje qytetare, etike e sociale.
Rezultati sot dëshmon papërgjegjësinë morale të shoqërisë shqiptare dhe rrugën pa kthim ku është futur nga “normalizimi” i skandalit, paligjshmërisë e kurvërisê ekonomike me paratë e qytetarëve.
Minimumi që duhej të kishte ndodhur nëse krahu tjetër politik nuk qe bindës, do ishte dezertimi i votës.
Nuk ndodhi!
Putanizmi politik që pa putanizmin ekonomik nuk mund të ekzistojë, pak ditë para votës risolli në tregun mediatik gruan e skandalit seksual, e cila u vetfilmua e vetë hodhi në treg veten.
Pak ditë para votës në të gjitha salsat e ngjyrat u servir intervista e saj që të vetmin rregull deontologjik të pranueshëm për ta intervistuar duhet të kishte tek pyetja;
“Kush të pagoi? E kush të urdhëroi?”
U verbalizua viktimizmi.
U harrua politika.
U banalizua fakti me click-liket e perversitetit njerëzor për të parë buzët e fytyrën e gruas së seksit në zyrë.
Kjo femër do mund të ndryshonte votën në Kukës?
Misioni u kry!
Dështoi qytetaria, morali e profesionalizmi.
Fitoi putanizmi i çdo ngjyre e gjinie e ky është dhunimi i heshtur, i frikshëm e konstant ndaj të gjithëve që çdo ditë i përballen jetës, që paranë e pushtetin nuk duan t’ja dhurojnë, as ta vjedhin, pasi trasgresioni më i madh i tyre është dinjiteti!
Marre nga Muri i FB Alba Kepi, 25 shtator 2023