Një foto e rrallë e Migjenit në seminarin e Manastirit
Zak Topuzi, një intelektual i zëshëm, sjell për herë të parë, një foto të rrallë. Është ajo e poetit “të mjerimit”, Migjenit të madh, që jeta nuk deshi, të jetonte gjatë. Ja, çfarë shkruan Zak Topuzi:
“M’u dha rasti të publikoj një foto të rrallë të Migjenit. Kjo, në kuadër të përvjetorit të lindjes së tij. Babai, e ka patur shok klase në gjimnazin e Manastirit (sot Bitola – Maqedoni). Në foton që mban vitin 1932, kanë dalë një grup shokësh, që studionin në atë qytet. Babai im, Pavlo Topuzi, i treti nga e majta (rrjeshti i dytë, prapa). Migjeni, në rrjeshtin e parë ulur, i katërti nga e majta, etj. Midis tyre edhe Theofan Popa. Një personalitet, që u përndoq nga regjimi komunist. Mendoj se kjo është fotoja më e bukur e Migjenit”.
Zak Topuzi
.
Marrë nga Lajm Shqip, 17.10.2018
.