Një lajm që kaloi pa vëmendjen e duhur
nga Alba Kepi
Ka një lajm që kaloi pa vëmendjen e duhur politike, mediatike, publike, show analitike, e që vjen nga Shkodra.
Asambleja Kryepeshkvnore ka kërkuar hartimin e ligjit të “krimit të apologjisë” së komunizmit në Shqipëri.
Ku kërkohet;
Të miratohet një ligj i cili të parashikojë krimin e apologjise së komunizmit njësoj si vendet europiane që kanë dënuar dhe parashikojnë sanksione të rënda për krimin e apologjisë së nazizmit dhe të fashizmit;
Që të zbatohen të gjitha parashikimet e rezolutave parlamentare dhe deklaratës presidenciale të sipërcituara në një kohë sa më të shkurtër të mundshme;
Që librat e historise të shkruajnë të vërtetën e komunizmit në Shqipëri;
Që burgjet dhe vendet e torturës të konsiderohen dhe ruhen si Muze, si psh. Burgu i Spaçit;
Që të persekutuarit politikë dhe të mbijetuarit nga burgjet të kenë shpërblimin e përshtatshëm;
Që aktet ligjore dhe nënligjore të përcaktojnë rregulla të qarta mbi dekoratat, titujt e nderit dhe medaljet në mënyre që të shmanget vlerësimi dhe lartësimi i funksionarëve të organeve të diktaturës komuniste.
U injorua ky lajm siç në këtë vend harrohet gjëja më e rëndësishme; historia, e kombit por dhe e njeriut.
E firmëtarët e shkatërrimit të kësaj historie pudrosen në studio televizive e flasin sot për drejtësi…
Marre nga Muri i FB Alba Kepi, 23 nentor 2023
