“Opinga” në Paris!
nga Klodi Stralla
Për ne, të gjallët, përkujtimi i njerëzve të mirë, me vlera dhe kontribute kombëtare, duhet të jetë para së gjithash një detyrim moral.
Sot dua të përkujtoj Nikolla Lakon (1880-1962), patriotin korçar që, ende një i ri 17 vjeçar (1897) themeloi në Paris revistën “Opinga”, e cila ndonse në pak numra për arsye fondesh, sensibilizoi kryeqytetin francez për “Çështjen kombëtare shqiptare”
Nikolla Lako, ka lindur në Korçë në vitin 1880 dhe ka vdekur në Tiranë në vitin 1962. Ka qenë drejtori i parë i bibliotekës “Thimi Mitko” në Korçë dhe ka kontribuar në pasurimin e fondit të kësaj biblioteke duke sjellë nji sasi librash prej France.
Në vitet ’20, ka hartuar nji hartë të Shqipërisë dhe disa dokumenta që vërtetojne origjinën shqiptare të zonës Korçës. Për këtë ka takuar direkt presidentin amerikam Uillson në Paris gjatë zhvillimit të Konferencës së Paqes, duke i paraqitur nji seri dokumentash, të cilat janë diskutuar dhe në Konferencën e Paqes.
Në vitin 1911, ka qenë përfaqësues i Korçës dhe Gjirokastrës në Kuvendin e Greçës, duke marrë pjesë si kuvendar në Memorandumin me 12 kërkesa të Dedë Gjo Lulit.
Asht themeluesi i sektorit shkencor në Institutin e shkencave Tiranë dhe ka përgatitur herbarin e parë shqiptar.
Ka qenë edhe piktor dhe në vitet e fundit ka punuar në Institutin e Shkencave Tiranë. Ishte i martuar, por pa fëmijë.
Në vitin 2017, Nikolla Lako u shpall “Qytetar Nderi” i qytetit Korçës, dhe një prej sallave të bibliotekës së re të qytetit mban emrin e tij. Në Tiranë nji rrugë mban emrin e tij.
Emri i tij është i përfshirë në Enciklopedinë e Shqipërisë, si dhe në stendat e Muzeut të Arsimit në Korçë.
PS. Informacioni i mësipërm është marrë nga Engjëll Çeka, një person i afërm i tij.
Marrë nga Muri i FB, Klodi Stralla, 27 shkurt 2024
