E kam njohur dhe kam punuar me Kastriot Devishin në gazeta “55”, atëherë kur kushtet ishin më të vështira se mundësitë për t’ia dalë, megjithatë fitoi zelli, pasioni, përkushtimi, talenti. Tek ai dhe ne të gjithë, fitoi ngadhënjimi mbi vështirësitë dhe pengimet. U ndamë për të mbetur miq, dhe shihemi sa herë, ai, me punën e tij të palodhur dhe kurajën e një kryengritësi idealesh, ndërton ato ura komunikimi, duke na e bërë të mundur të qartësohemi me befasitë e të vërtetave, me të cilat ai shpërblen interesimin tonë.
Përmes një kolane të bujarshme botimesh, ai ka hedhur dritë errësirave më të thella, duke i dhënë zë zërave të mbytur të së shkuarës.
Ka shkelur me hapa të potershëm nëpër ato korridore që mbyti me heshtje dhe anatemë, kohështrirje e gjatë e kobzezë e komunizmit.
Ka ritreguar histori me ligjërimit e fakteve, duke marrë nën kërcënim atë çfarë ia kishte dalë të manipulojë vetëdijen tonë.
Orë të pafundme pune e shpalime të pambarimta të kyçura nga pluhuri dhe harresa, kanë marrë trajtë në librat e tij, për t’u bërë burim interesimi dhe kthjellimi.
.
Vepra të botuara të Kastriot Dervishit
Por e gjitha kjo s’i ka mjaftuar. Ai, përmes rrjeteve sociale, postimeve të vazhdueshme, kryesisht në Facebook, ka promovuar zërin e një shpirti të lartësuar në besim. Puna dhe përpjekjet e tij janë qëllimmira, me të cilat ai strukturon botëkuptimin dhe përgjegjësinë e një intelektuali, në një të tashme, e cila më shumë se asnjëherë, ka nevojë për të vërtetën, për kjartësinë e kulluar të të parit dhe përcjellurit të fakteve.
Ai ka mirësinë të na zbardhë shumë prej paqartësive, që koha i ka ngurtësuar, dhe e tashmja e domosdosë së zgjimit të një vetëdije reaguese qytetare, kërkon t’i bëjë të njohur opinionit.
Ndoshta jo të gjithëve u pëlqen puna dhe publikimet e tij. Mund të kem edhe unë rezervat e mia. Gjithsesi, ai është një kontributor vlerash të pamohueshme. Përpiqet dhe bën më të mirën, e cila mund të mos jetë e tillë për të gjithë, por është konkuruese në një betejë të ashpër ballafaqimi, ku fitojnë faktet.
Ka prej atyre që përpjekjet e tij, nxitojnë t’i kundërshtojnë, jo në një arenë kundërvënieje të fakteve, por përmes sulmeve të mbarsura me inat dhe pezëm. Kjo duket se nuk e ka ndaluar atë, edhe pse kundërshtia vijon të jetë gjithnjë prezente, duke u përpjekur të mbajë të nënshtruar harrimit, të vërtetën, që dikënd bën fajtor e dikënd përgjegjës.
Kastrioti Dervishi, i favorizuar, jo vetëm nga puna e tij si gazetar dhe një periudhë në Arkivat e Shtetit, ka patur gjithnjë disa kureshtì dhe befasi të vërtetash, që ka dëshiruar t’i ndajë me të tjerët, me ata, të cilët kanë nevojë për të qartësuar panoramën e së shkuarës. Ai, në këtë marrëdhënie, u beson fakteve dokumentare, atyre fotografike, patjetër dhe një intuitë brilante, për të parë përtej asaj çka shfaqet, për të lexuar përtej asaj çka shkruhet, për të shprehur hapur dhe thjeshtë, atë ç’ka zgjedh ai, si mundësi njohjeje dhe mënyrë komunikimi.
.
Dosjet…
Ai e ka bërë dhe vijon ta bëjë këtë luftë, të denoncojë dhe të akuzojë, i bindur se, një shoqëri për të dalë nga apatia, për t’u çliruar nga amnezia kolektive, duhet të mësojë të vërtetën, pas së cilës fshihet kodi i zbërthimit të shumë rebuseve.
Ai nuk është historian, në kuptimin akademik të shprehjes, por ka një seri botimesh që sfidojnë historinë e tjetërsuar, atë që po tentojnë ta rishkruajnë ata që e shkarravitën një herë për llogari të një regjimi denigrues. Ai ka përgjegjësinë qytetare dhe integritetin intelektual, për të ruajtur me fanatizëm korrektësinë e komunikimit dhe marrëdhënieve, kudo dhe me çdo çmim, si në botimet e bëra prezent ashtu edhe në publikimet në Facebook. Shpesh ai lë faktet të shprehin atë që dot nuk e thonë fjalët.
Shumëkush nga ne do të donte të kishte guximin e tij, një kurajë që ndërtohet dhe hedh shtat në një taban që lëviz, pa frikën, se e gjithë kjo që ai po ngrè, nga momenti në moment do të shembet, sepse ai beson ndershmërisht tek e vërteta.
Sa ka vlejtur puna e Kastriotit?!
Këtë do ta kisha të vështirë ta thoja me gjuhën e shifrave. Por ajo që mund të them është, se ai, atë që ai bën, e dëshmon me përgjegjësinë profesionale, si gazetar dhe si hulumtues, qëmtues symprehtë e rrëmues i papërtuar.
Di të luftojë dhe të sakrifikojë për atë që beson, duke bërë një jetë modeste, pa kërkuar tituj e poste, shërbesa dhe shpërblesa, pa u ankuar dhe zvarritur pas portave të përfitimeve dhe privilegjeve, të cilat kam bindjen se i meriton më shumë se shumë të tjerë, për talentin e jashtëzakonshëm dhe zellin e paepur, skrupulozitetin dhe pasionin për punën.
Pavarësisht, se ka bërë më shumë miq apo armiq, ajo që merr përkushtimin e tij është për ne një vepër vlerash, e cila meriton vëmendje dhe konsiderim.
Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.
To provide the best experiences, we use technologies like cookies to store and/or access device information. Consenting to these technologies will allow us to process data such as browsing behavior or unique IDs on this site. Not consenting or withdrawing consent, may adversely affect certain features and functions.
Functional
Always active
The technical storage or access is strictly necessary for the legitimate purpose of enabling the use of a specific service explicitly requested by the subscriber or user, or for the sole purpose of carrying out the transmission of a communication over an electronic communications network.
Preferences
The technical storage or access is necessary for the legitimate purpose of storing preferences that are not requested by the subscriber or user.
Statistics
The technical storage or access that is used exclusively for statistical purposes.The technical storage or access that is used exclusively for anonymous statistical purposes. Without a subpoena, voluntary compliance on the part of your Internet Service Provider, or additional records from a third party, information stored or retrieved for this purpose alone cannot usually be used to identify you.
Marketing
The technical storage or access is required to create user profiles to send advertising, or to track the user on a website or across several websites for similar marketing purposes.
