, me sa duket ka edhe funksionin e krijimit të nji stabiliteti të perceptimit, ndërkohë që syni të kap nji tip "ndërveprimi" midis vijave vertikale të trungjeve dhe vijave horizontale të gjetheve. ){kind=link}
“Pylli i thuprave” i Gustav Klimt
simbas Ilirjana Stankaj
Nji ndër pikturat ma interesante të peizazhit, në artin botëror, asht “Pylli i thuprave” i Gustav Klimt.
Autori krijon aty nji tip strukture vertikale pa kufij…
Secili element i pyllit, si: thuprat, gjethet e rëna, madje edhe vija e horizontit, shihet qartë se nuk i shpëtojnë sensit të rregullit (që kryeson gjithmonë në veprat e Klimt)!
Shumë interesant asht përdorimi i ngjyrës së artë. Perceptimi i saj si dukuri e ndritshme e diferencon Klimt-in nga të gjithë impresionistët. Klimt nuk zgjedh nji gjendje të ndritshme të dritës – siç ndodh tek të tjerë piktorë të shquar, si p.sh tek Monet, por krijon nji burim të artë; gjethet evokohen përmes nuancave të vendosura nëpër segmente të vogla ngjyrë kafe, kafe-portokalli, të kuqe-portokalli, portokalli … Zgjedhja e segmenteve, përveç reflektimit të idesë së nji rendi (që kryeson pikturat e Klimt), me sa duket ka edhe funksionin e krijimit të nji stabiliteti të perceptimit, ndërkohë që syni të kap nji tip “ndërveprimi” midis vijave vertikale të trungjeve dhe vijave horizontale të gjetheve. Prania e vijave të drejta vertikale dhe e segmenteve të vogla horizontale të krijon idenë e nji pëlhure me fije ari. (Prandaj piktura mund të përcjellin tek njeni-njeni vëzhgues i saj edhe impresionin e diçkaje të butë…?)
.
Marre nga muri i Fb i Ilirjana Stankaj, 24 tetor 2020
.