Revista “Shkëndija” dëshiron bashkëpunim me Ju…
Ernest Koliqi i shkruen Musine Kokalarit
Tirana 01.01.1942 – XX
Corso Vittorio Emanuele III
Fort e ndershmja
zonjusha Musine Kokalari,
Në numrin që vjen, Revista “Shkëndija” dëshiron të nisë një veprimtari të re në fushën e kulturës shqiptare, ku jo vetëm letërsia ka qenë argument i zhvilluem, porse dhe artet: qofshin figurative, qofshin muzikore, qofshin dekorative.
Për t’ia arrijtun qëllimit qi të zgjohet nji interesim e të thellohen sa ma tepër prirjet e ndryshme artistike e kulturore, kemi vendosë me iu drejtue shkrimtarëve dhe intelektualëve të vjetër e të rij, tue u caktue pak a shumë subjektet mbi të cilat do të kenë mirësinë të bashkëpunojnë.
.
Për Zotninë Tuej kemi mendue te na shkrueni 6 artikuj dhe subjekte të ndryshme letrare.
Artikujt nuk do të jenë ma të shkurtën se tri faqe të Revistës “Shkëndija” as ma të gjatë se pesë faqe. Secili artikull ka me u shpërblye me 50 franga shqiptare.
Do të ishim mirënjohtës të na jepni një përgjigje rreth kohës qi do t’Ju nevojitet për kryemjen e këtij bashkëpunimi…
.
Me nderime Ernest Koliqi (firma)
.