Shuhet Shërbëtori i së Keqes…
nga Adriatik R. Dosti
Ndaj dhe ju idhtaret e tij besnikë ndër vite keni gjithë “të drejtën” e mundëshme sot që të qani e të fryni sytë, të enjteni së qari… të ulërisni e të shkulni flokët e të çirrni faqet… madje edhe të vini shirit të zi në krah e “sipas zakonit” edhe të mos hani e të mos pini, e të hapni Mort…
U ka ikur sot dhe njëherë e përgjithmonë Gjeniu juaj… shkrimtari i madh, koka dhe vlera e kombit… gjigandi i letërsisë shqipe, siç e quanit ju… talenti i rrallë i penës …etj etj… ndaj qani e mos pushoni, Ok!
E kur të keni kry punë krejt me zakonet e adetet e rastit mos harroni të bëni “për të ndjerin” e shpirtin e tij edhe një hallve… Ok…
Por veç mos harroni kurrë se pa qënë së pari Njeri kurrën e kurrës nuk mund të jesh dot dikushi në asnjë fushë të jetës edhe sikur supertalent të jeshë… e pra ja që ai Gjeniu juaj që kur lindi, për aq sa jetoi e derisa vdiq përpos plot çmimeve, vlerësimeve, nderimeve e dekoratave pa fund që ju i dhatë ju ndër vite [sepse juve ju shërbeu – e kurrë kombit e popullit te tij]… kurre as ishte, as u bë e as ka për të mbetur në kujtesën e kombit e popullit te cilit i takon – Njeri.
Ai ishte, mbeti dhe u largua nga kjo bote si Shërbëtor i së Keqes… si shërbestari besnik i të gjitha pushteteve dhe i të gjithë pushtetarëve në pushtet… ishte e vdiq një Self Fish unikal… që si rrallë kush mendoj për bythën e vet e jo për kokën e trupin e këtij kombi, siç jeni munduar për dekada me radhë ta përligjni ju…!
Sot iku nga kjo botë besniku e shërbëtori i Diktatorit e i Diktaturës… Iku ai që edhe në ditët e fundit të jetës së tij ju tha shqiptarëve se… Shqipëria sot nën udhëheqjen e Edi Ramës po jeton ditët më të mira të historisë së saj kombëtare[???]…
Iku ai që relaksohej si kërkushi tjetër teksa e gjerbte kafen e mëngjesit me të “mirën e të mençurën” Elisë…
Iku ai që s’foli kurrë për Teatër-prishësit… për Tiranë-shkatërruesit, për shqiptarë-përzënesit… për bandito-pushtetarët… për hajduto-qeveritarët, për antishqiptarët e tradhëtarët e vërtetë të këtij kombi e të këtij populli… etj etj….
Iku ai që la pas Dy Shtëpi Muze të ndërtuara nga ata të cilëve ju shërbeu si pak kush…!!
Po në te tjerët ?
Ne “antiKadaretë” siç na quajnë rëndom idhtarët e ti… sot sikur ndjehemi disi më ndryshe… më të lehtësuar e me pranë Zotit…
Sepse të paktën korifeun tonë kombëtar Fishtën nuk do të na e shajë më dot një sharaman i lindur si ai që iku sot nga kjo botë…
Sepse Rugovën e mençur e patriot nuk do të na i përgojojë dot më veç për keq një altoparlant i prishur i llojit Kadare…
se mbi Martin Camajn, mbi Ernest Koliqin, mbi Arshi Pipën e shumë figura të tjera të denja kombëtare nuk do të mund të hedhë dot më baltë… një i vdekur si ky që iku sot…
Sepse në armiqtë e tij e të klasës të paktën nga sot e mbrapa nuk do na ndjekë më nga pas urrejtja e tij e frikëshme…
As Qeni i Kufirit nuk do të mundë më të na shqyejë dot… as Shqiponjat që fluturojnë lart nuk do të lodhen dot më për të gjetur se ku t’i kërkojë rrënjët e Partisë së tij Malua me shokë…
As vargjet këllirë për Baba Stalinin nuk do të mund të na i recitojë më dot kërkushi… e as Dimrin e vetmisë së madhe të Komandantit të Malos nuk do të na i lexojë më kërkushi e as e as pa fund… ne Malin me të këqija që ai Gjeniu juaj i la pas trashëgimi këtij vendi e këtij populli…
Iku ai që mori në qafë jetë njerëzore… iku nga kjo botë një Mëkatar i madh e i pa penduar kurrë.
E më së fundi… radha e gjatë dhe e herëshme e pritësit për Nobel-in aq shumë të ëndërruar… sot u gdhi me një radhë-pritës më pak!!
Iku dhe doli nga radha Shërbëtori i së Keqes… Përgjithmonë!
Marre nga Muri i FB A.R.D, 1 korrik 2024