, projekt i nisur në vitin e largët 1894){kind=link}
Skedari i gjuhës latine në Mynih
nga Kastriot Marku
Skedari i gjuhës latine në Mynih me mbi 10 milione skeda, përbën projektin më të madh ndërkombëtar të ndërmarrë ndonjëherë për hartimin e një Thesaurus Linguae Latinae (TLL), projekt i nisur në vitin e largët 1894 dhe i parashikuar të përfundojë në vitin 2050. Fjalori do të përfshijë gjuhën latine nga origjina e saj në latinitetin e mesjetës së hershme duke nisur nga Izidori i Seviljes (636).
Vëllimi i parë i këtij projekti u botua në vitin 1900, ndërsa në vitin 2007 u botuan vëllimet nga shkronja A deri tek shkronja M, ata të shkronjës O dhe vëllimet nga N deri tek P dhe shkronja R. Sipas gjasave nuk do të pritet viti i largët 2050. Në të janë përfshirë 31 akademitë më të njohura të shkencave gjuhësore (8 prej të cilave janë gjermane), nga 23 vende të ndryshme të botës nga Afrika e Jugut, Australia, Shtetet e Bashkuara të Amerikës e Kanadaja apo Japonia.
Mungon akademia e shkencave e Skënder Gjinushit, vendi i të cilit e ka hequr latinishten që kur baballarët e tij vendosën të luftojnë fuqishëm qytetërimin perëndimor dhe nuk ka arritur dot ende të bëjë një fjalor dinjitoz të gjuhës së tij.
.
Marrë nga muri i fb i Kastriot Marku, 4 tetor 2020
.