![Pinterest](https://pinterest.com/pin/create/button/?url=https://www.radiandradi.com/statuja-e-lirise-feston-130-vjetorin-e-lavdise-28-tetor-2016/&media=https://www.radiandradi.com/wp-content/uploads/2016/10/cq5dam.web_.738.462.jpeg&description=Emri i saj origjinal është "La liberté éclairant le monde" (Liria e Ndriçon Botën), dhe u realizua për të kremtuar miqësinë midis Shteteve të Bashkuara dhe Francës në Njëqindvjetorit të Pavarësisë së Amerikës nga Britanikët. Statuja e Lirisë është e bijë e përpjekjeve të përbashkëta të këtyre ){kind=link}
Statuja e Lirisë
Simbol i New Yorkut dhe i Shteteve të Bashkuara
28 tetor 1886
Monumenti simbolik i New Yorkut, u përurua më 28 tetor 1886.
Emri i saj origjinal është “La liberté éclairant le monde” (Liria e Ndriçon Botën), dhe u realizua për të kremtuar Miqësinë midis Shteteve të Bashkuara dhe Francës në Njëqindvjetorit të Pavarësisë së Amerikës nga Britanikët.
Statuja e Lirisë është e bijë e përpjekjeve të përbashkëta të këtyre dy vendeve. Skulptura në fakt, është vepër franceze ndërsa piedestali është ndërtuar nga Shtetet e Bashkuara.
Gjatë gjysmës së parë të shekullit të kaluar, Statuja e Lirisë ka qenë Simbol i Shpresës për miliona emigrantë të ardhur në Shtetet e Bashkuara të Amerikës në kërkim të fatit…
Vepra është realizuar nga skulptori i ri francez Frederic Auguste Bartholdi, edhe pse ideja i përket historianit Edouard de Laboulaye.
Bartholdi për ta realizuar kët vepër u frymëzua nga Libertas – Perëndesha Romake të Lirisë.
Në kokë, statuja ka një kurorë me shtatë kallinj që simbolizon “shtatë detet e botës”, ku mbrrijnë parimet që ajo simbolizon!
Në bazë të monumentit janë Varrosur Zinxhirët e Thyer, simbol i çlirimit nga të gjitha format e tiranisë.
Ndërtimi i statujës, në veçanti hartimi i strukturës së brendshme, u ndoq edhe nga kujdesi i inxhinjerit Gustave Eiffel, i cili disa vite më vonë do të japë emrin edhe kullës së famshme pariziane
Statuja e Lirisë është e përfaqësuar nga një pishtar në dorën e djathtë, Simbol i Arsyes e cila ndriçon njerëzit, dhe në dorën e majtë, një tabelë e gdhendur, që simbolizon Rëndësinë dhe Shenjtërinë e Ligjit.
Statuja është ndërtuar falë mbledhjes së fondeve publike. Së pari, Bartholdi projektoi kokën dhe krahun e djathtë me pishtar, të cilat i paraqiti në Ekspozitën e Njëqindvjetorit në Filadelfia dhe Ekspozitën Universale në Paris, gjithnji në kërkim të fondeve për zbatimin e saj…
Ne çdo 28 tetor, Statuja e Lirisë kremton Pervjetorin e saj të Lavdisë
Përgatiti Jozef Radi