Studiuesi Idriz Lamaj,
i dhuroi Arkivit të Vatrës Rekordin e vitit 1919
nga Dalip Greca
Sot kisha në Vatër mikun tim, studiuesin e njohur Idriz Lamaj. Ashtu si në të shkuarën ai nuk erdhi duarbosh në selinë e Vatrës: Këtë herë solli rekordin e shtypur në Shtypshkronjën e Diellit, record që ka regjistruar punimet, vendimet, zgjedhjet, bilancet financiare të Kuvendit të Vatrës, 6 Korrik 1919.
Z. Lamaj i ka dhuruar Vatrës një sërë dokumentesh me vlerë, Letërkëmbime të personaliteteve të Vatrës dhe Diellit, kopje të plotë të dosjeve të emigrantëve shqiptarë të ardhur në SHBA me ndërmjetësimin e Komitetit Shqipëria e Lirë dhe Kisha, qindra libra të bibliotekës së tij etj etj…
Po çfarë përmbanë broshura e dhuruar sot?
Është i plotë “Rekordi” i Kuvendit të Federatës Pan-Shqiptare “Vatra” për Kuvendin që filloi punimet me 6 Korrik dhe përfundoi me 15 Korrik 1919. U zhvilluan gjithsej 21 sesione dhe aty përshkruhen me detaje se çfarë ndodhi në secilin prej tyre.
Kjo ishte një praktikë mjaft e mirë që i shërbente shumë Vatrës për të mos krijuar precedente pas Kuvendeve. Gjithçka është shkruar në 36 faqet e broshurës.
Faleminderit z. Lamaj!
Dielli, 17 qershor 2021
Shënim: Kushdo që disponon materiale të Vatrës, koleksione të Diellit, dëshmi apo fotografi të ndryshme, relike apo kujtime, është i lutur që t’i sjellë ato në Vatër… (shenim nga Dalip Greca)
