Vdekja e Anita Ekberg dhe nji kuriozitet shqiptar…
Nderim kujtimit të artisteje te madhe!
Anita Ekberg (29 shtator 1931 – 11 janar 2015)
Në moshën moshën 84 vjeçare, ka ndërruar jetë artistja Anita Ekberg…
Kerstin Anita Marianne Ekberg fiton titullin e Miss Suedisë në vitin 1950: dhe bukuria e saj shpërthyese e lejon të shfaqet në skenat e Hollywoodit ku Howard Hughes e fut atë në botën e kinemasë. Në 1956, ajo luan në filmin e fundit të çiftit Lewis-Martin, “Hollywood apo Bust” e drejtuar nga Frank Tashlin, në interpretim të të cilit ajo fitoi edhe Globin e Artë si aktorja më të mirë. Pastaj kësaj vjen King Vidor, cili i beson asaj nji rol epik te “Lufta dhe Paqja”.
Më vonë Anita Ekberg, artistja flokartë suedeze, shfaqet si nji aktore italiane në filmat e Federiko Felinit e Dino Risit, ku krahas roleve deshmohet si topmodele dhe simbol seksi. U bë e famshme për rolin e saj të Sylvias, në filmin e Federico Fellinit “La Dolce Vita” (Jeta e Embël) (1960), ku ka nji nga skena që e bënë mjaft të njohur, atë në Fontana dei Trevi të Romës, së bashku me artistin e famshëm Marcello Mastroianni.
Nderim kësaj artisteje, që vinte nga vendi i të famshmeve aktore si Greta Garbo dhe Ingrid Bergman.
Por, çka mbetet interesante nga lajmi i humbjes së kësaj artiste, në ditën e sotme, është fakti se ajo ka vdekur dhe varroset në të njejtin vend ku ka vdekur dhe prehen në pritje të nji atdheu edhe eshtrat e patriotit Qazim Mulletit, në Rocca di Papa!
Jozef Radi, 11 janar 2015