back to top
3.5 C
Tirana
E martë, 18 Shkurt, 2025

Vlora e rilindjes pa histori, e ndarë në principata me VKM-të e kryeministrit Rama – nga Gëzim Zilja

Gazeta

Lungomare e Vlores...
Lungomare e Vlores…
Vlora e rilindjes pa histori, e ndarë në principata
me VKM-të e kryeministrit Rama
nga Gëzim Zilja

Krejt pjesa e bregdetit nga Tuneli deri në Orikum ështe jashtë kontrollit. Punohet, betonohet, thellohet, mbushet deti me gurë, zhavor e dhè të kuq sipas qejfit. Pjesa nën rruge ka qenë shtetërore, kryesisht shkurrishte e moçalishte, që u kthyen nga ndërmarrja frutore në toka të punueshme e u mbollën me perime e agrume. Pas demokracisë radhimjotët, e tragjasjotët, nxorrën dokumenta “autentike” me vulën e Skenderbeut, e i grabiten këto toka buzë ujit. Tashme çdo pronar hoteli, barake, wc-je, kullote, kanali, pellgu, e shtëpie do edhe molin (bankinën) privat ku të parkojnë anijet e çdo lloji. Provo të futesh në sinorin e tyre ujor, edhe hundën po deshe, del ish pronari i dhive, tashmë biznesmen me ish dhiarët e tij me poture, jelekqëndisur e qylafin me antenë, (mikëpritësit në anë të rrugës) e të ngordhin në dru.
Molet i ndërtojnë me gurë e dhè falas, se janë aq injorantë e kopracë sa nuk i bëjnë me plinta të qarkullojë ujët e detit, ndryshe këto lloj molesh private për dy-tre vite e kthejnë pjesën e ujit, kufizuar me gurë e dhè (siç po ndodh) në këneta e llumishte. Sa i përket Lugomares 3 e 4 kjo është një çmenduri kryeministrore. Nuk preken zonat e egra o KM kungull, për 1000 arsye. Pyet ambientalistet o KM, se shkatërrove natyrën dhe bregdetin ne mënyrë të pandreqshme. Pastaj po kalove Qafën e Llogarasë, zotërit e Shqipërisë e kanë ndarë ne principata sipas VKM-ve të Sulltanit të Surrelit: Principata e Gjikurisë, pricipata e Xhaçkës, Ulajt, Kastratit, e Spiropalit, principatat e Zamir Manes, të Fushës, banditëve të Dubait me revole e kallashe dhe nja dy principatave të palaçove të Topchanel-it. Po vlonjatët, sigurisht ata që vdesin edhe sot për Enver Hoxhën dhe pasardhësit qelbësira të tij, kur i pyet: Nga je? – përgjigjen plot krenari dhe pak si të dhjerë: “Jemi komshi me dhëndrin e Trampit. Do pajisemi me pasaportë amerikane. Pse kot ua fali KM-ja Sazanin dhe Zvërnecin?” Mirë Sazani se është mall belik, po Zvërneci nuk është tokë shtetërore është ndarë te banorët e tij. Apo nuk pjerdh KM-ja për zvërneciotët. E zvërneciotët e shkretët për partinë socialiste kanë votuar që me Enver Hoxhën. Nga Sheshi i Flamurit deri te tuneli, (bytym beton) gjithçka është lëvizur e tjetërsuar. Historia e Vlorës tani filloi me Rilindjen e Ed Ramës. Para rilindjes mendohet që ka qenë fare e pa banuar. Me komshinje amerikane (Sazani e Zvërneci tashmë konsiderohen pronë amerikane sipas Edi Ramës) Shesh Flamuri të Ri, me Muze Pavarësia shëmtirë, (së shumti brenda rrethit mërzejnë qentë) me lumin e Vlorës, e Izvorit të Tragjasit kaluar krahëqafë në Himarë, me princat e rinj kalaqafë, Vlora shkon në Europë pa vlonjatë e histori, me dy orë ujë dimër e verë (Edhe këtë ujë thonë do ia kalojnë ishullit të Sazanit) e kanalet e ujrave të zeza që derdhen gjithë lezet gjatë gjithë lungomares. E kujt i plasi trapi? Punë e madhe. Do vazhdojnë sidomos mbrëmjeve me aromën e fekaleve e të lahen me sapllakë e boliera. Ama, do jenë komshinjë me dhëndrin e Trampit, me princat e rinj të sulltanatit të Ramës, e nëse do Zoti edhe kushurinjtë me amerikanët.

Marrë nga Muri i FB, Gëzim Zilja, 27 janar 2025

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.
Buy Me A Coffee
Dhuro per mirembajtjen