Një aktivitet në kinema “Millenium”,
në nderim të intelektualit dhe gazetarit tiranas Xhemal Farka, i vrarë nga regjimi komunist.
Të tilla aktivitete janë emocionuese dhe shumë edukuese, sidomos për të rinjtë.
Eshtë për të ardhë keq, që prania e ish të persekutuarëve, në të tilla raste, është e vogël! Ku janë?!
Shembullin e Zenita Farkës, duhet ta ndjekin edhe të tjerët, të shkruajnë për familjet e tyre,
për njerëzit e vuajtur që jo vetëm të mos harrohen por,
ato shërbejnë për edukimin e shoqërisë në këtë kohë të vështirë.
Xhafer Sadiku
Historitë e Sulës Fajës mund t’i gjeni në librin e tij “Tirona n’gaz”, libër i cili
promovohet me 30 qershor 2023, në ambjentet e Kinema Millenium, Tiranë, ora 19:00,
së bashku me premierën e dokumentarit, kushtuar Xhemal Farkës.
Aktiviteti mbahen me rastin e 110 vjetorit të lindjes së gazetarit, Xhemal Farka.
Po paraqesim nga libri romancën e Sulë së Fajës me zajush Mary-n….
Zajusha Miss Mary m’Tirônë
nga Sula i Fajës – alias Xhemal Farka
U vesha ligon e u bona lluks ene dula ditn e Gjelë m’Nurrës. M’sahati shtatë erdh vaporri. U prit se po del ajo goca, s’kaa! Dulën gjithë, e û nela me resme n’orë. Kur fap ke e pashë mi kon, mrena m’vaporr. Ishte tret e haprru syshë se s’ja mate me dalë m’Nurrës pri frykës hajdutvet(!). Ene una mërtheva komçat e setrës ene zgjata kryt’ e fërrita!
-Halloo! Miss Mary?!
Ne ajo kishte qenë hazër tu më majtë ré, ene pri herë u çel m’fytyrë ene fët fët m’dha xhevapë.
-Helloo Mistër Sula Faja?!
-Ai vet thosh.
-Hajdudu, Hajdudu! Ene zbriti poshtë plot shen. U qokëm durësh ene zumë me i kallxu njoni-qetrit se sa teresont ishte qo pjekja jonë.
Kur pup, dulë i jevgu modh me mësteqe hamall vaporri, i shkatarraq i keq lecka lecka. Ajo u trem ene pri here m’kapi për krahu ene m’tho amelikonçe.
-Çere ô ky mre?!
-Njeri si ti e si û, punon, ôsht i urtë, s’nget jeri, mës kej frykë! Ene hikëm. Amon a vllaa si mu dukte vetja! Sikur isha midis Avropës! Shkojshim tu e pa njoni-qetrin t’u qesh. Ajo u çëdiste kur shifte njerzit vesh me rrobe veni e i pylqejshin fort. Para se me i hyp trompilit pyr Tirônë ajo i boni telegraf nonës vet m’Serviçe: Shnosh’ e mirë, Albania e bukër, Sula Fajës shoku mirë! Ene i hypëm trompilit. Rrugës zu me m’kallxu do gjôjna t’çëditshme qi i kishin thonë hasmit t’onë për Shqipninë.
-Mister Sula, m’çer nohije t’Shqipnisë jon robt me bisht?
-Ba-ba-ba! Kush ta tha at llafe mrì? T’kon fut i derr rrene qi mës e pyt hallin! Jo mi zajush se s’ka asi gjôjnash kënej! Jon hasmit t’onë qi ju thonë aci llafesh. As m’Habesh nuk ka acojë!
-Pooo! Po mu mezi m’kon lonë me ardhë ktuna, se m’thojshin qi m’rrugë t’Nurrsit ka bonda hajdutësh qi t’presin rrugën! A?
-Po, banda mërzikash po!
-Çëdi! – tho prap zajusha. Mosanaj m’tho pa t’keq. – M’kon thonë se Shqiptarët i kapin gocat e bukra m’rrugët, ene… i puthin me zor… e ja bôjn buzët me gjak!…
-Estrakfullah! Estrakfullah! S’ôsht e vërtetë, s’ôsht e vërtetë aspak! – i thosh shpet e shpet. Atëher u kënoq ene m’shifte t’u qesh. Desha me i thonë: Pravoje pa deshe, po s’ma majti. Nejse mô. Erdhëm m’Tirônë.
Gjezdisëm të dy gjithaneje. Hypëm n’minore t’xhomis vjetër. Gjezdisëm ne m’balevard e gjithanej mô. E çova ne m’shpijat. Co shokë qi kon kënu m’Avropë, e majtën për drekë e për darkë. M’Lanabregas s’e çova. U bô mol pri qefit. I dhosh co çëbukë e co qeleshe t’bardha peshqesh. I here m’panë na dy gra me ferexhe tu hec puq e puq me té:
-Driiit, e shpërlaftë mortja! E paska pru llahingën!
-Plasja ju raftë! – u thosh.
-Ç’kaa? – tho zajusha kur na pá.
-Fargjôje – thosh – fargjoje! Aqe, mi ven matonë, i esnof ja boni: – ke pa m’përzihen zorrët! Shpirt a Sulë u bone ne tina?!…
-Trût të dalshin! – i thosh. Kshû imi no mô! S’na pylqe t’ta shofim mir njoni-qetrin!
Kshtu zajusha Miss Mary ngeli e kënoqme ene hiku tu thonë se dut bote prapagonda t’mira ne dut vite përsita me co shoqe t’veta. E parsita qi mës ti vej menë prapagondës hasmet, qi s’dunë me na pa me sy!…
(Sula Fajës – Arbënia 16.10.1936 – Muhabet Tirançe)
Marrë nga Muri i FB i Admirina Peci, 1 korrik 2023