Zonja Ambasadore, po vret modelin tënd!
nga Ibsen Elezi
Shpallja “Non Grata” e Berishës është çeshtje e juaja, e vendosni ju dhe nuk i jepni llogari askujt.
Problemi fillon dhe komplikohet kur çeshtja “non grata” duhet të zgjidhet nga ne, pasi vjen nga vendi aleat i përjetshëm dhe model i demokracisë botërore.
Pala e cënuar nga akuzat e vendimit, patjetër që ka të drejtën të kërkojë fakte.
Të nesërmen, Berisha deklaroi nëse i bëhej publike qoftë edhe një fakt, ai do të tërhiqej nga parlamenti dhe politika, dhe vazhdon ta pohojë edhe sot.
Problemi i paraqitjes së fakteve u zhvendos edhe në Kongresin Amerikan.
Akoma s’ka një fakt publik të paraqitur, nëse ka arsye që këto fakte s’duhet të jenë publike, atëhere le të veproje sistemi i drejtësisë me të cilin Ju krenoheni si sukses.
Edhe trysnia për ta marrë në konsideratë vendimin është e drejta juaj, por në situatën e krijuar ngrihen disa pikëpyetje
1.Kaq e vështirë është nga Ju të paraqitni një fakt dhe ta mbyllni këtë mjegullnajë të ngritur në skenën politike dhe opinionin publik?
2.Nëse akuzoni Berishën për minimin e demokracisë, si mund të mbështesni Lulin, kur figura e tij është më e errta në këtë periudhë 30 vjeçare, me krime të dokumentuara ndaj parimeve themelore të demokracisë.
Që me ardhjen e tij në krye të PD,
-eshtë shkelur haptas parimi i fjalës së lirë, dhe janë larguar pa asnjë procedurë të gjithë ata që kanë dhënë mendim ndryshe dhe nuk janë lejuar më në asnjë garë. (parim themelor)
-që me ardhjen e tij është përdhosur parimi i konkurencës duke e zëvëndësuar atë me emërime. (Pas 2014, pozicionet drejtuese në PD dhe deri te emërimi individual i 140 deputetëve në 2017, e deri në emërimet e fundit në 2021, lista e shumë e gjatë)
-është shkelur haptas parimi i votës së lirë, më së miri kjo u vërtetua në 13 qershor të 2021, procesi zgjedhor u manipulua haptas dhe i vetëdokumentuar nga shkelësit.
-është shkelur haptas parimi themelor i shumicës, është kuvendi i tretë: dhjetor – 2018, korrik – 2021 dhe 18 dhjetor 2021, ku marrin pjesë më pak se 2000, e sy ndër sy, pa pikë turpi e llogjike të thonë se janë 5000.
Imagjino katastrofën që do të ndodhte në vendin tuaj zonja Ambasadore, sikur të shkelej njëri nga këto parime themelore.
Besoj e kujtoni dhunën në Capitol Hill, kur u dyshua për manipulime.
Zonja ambasadore,
beteja juaj e “Non grata-s” me Berishën është shumë e vogël (në kohë dhe hapsirë), në raport me betejën tuaj shekullore të krijimit modelit të lirisë dhe demokracisë.
Dëmi që po bëni në opinionin publik duke dëmtuar imazhin e modelit tuaj, tani duhet të jetë shqetësimi juaj më i madh.
Modeli Rama dhe Basha i kapjes dhe kontrollit sistemit, është modeli i Rus i Putinit, besoj padashje po na çoni drejt një sistemi të tillë.
Në fakt, ju çdo ditë edhe në betejën e “vogël” të “Non grata-s”, duke moskuptuar hallin e madh të demokratëve po i ofendoni duke i njësuar me “hallin” e Berishës, duke ja kundërvënë vetes.
Në më pak se 8 muaj, me njohjen e njëanëshme të realitetit dhe lëvizjet tuaja të gabuara bëtë që të sfumohet problemi “non grata” dhe duke iu bashkangjitur Bashës e kthyet veten në një problem më të madh.
Zonja Ambasadore,
tash jemi në hall të madh, na thuaj si t’ia bëjmë, ne dëshirojmë të jemi model i vendit tuaj, e ju po na shtyni drejt modelit të kundërt atij Rus të Putinit ?!
Gjithesesi vazhdoj t’ju falenderoj, pasi pa “non gratën” tuaj do të ishim duke vegjetuar…
.
marre nga muri i Ibsen Elezit, 14 janar 2022